ತಂಬಾಕು ಬಳಕೆ ಅಪಾಯದ ಅರಿವಿಗೆ ಸಮಗ್ರ ಜಾಗೃತಿ ಅಭಿಯಾನ

ಈ ಅಭಿಯಾನಕ್ಕೆ ಸೃಜನಾತ್ಮಕ ಆಯಾಮವನ್ನು ನೀಡುವ ನಿಟ್ಟಿನಲ್ಲಿ ನಗರದ ಪ್ರಮುಖ ಸ್ಥಳಗಳಲ್ಲಿ ಗಮನ ಸೆಳೆಯುವ ಗೋಡೆ ಚಿತ್ರಗಳನ್ನು ಅನಾವರಣಗೊಳಿಸಿತು. ಈ ಉಪಕ್ರಮದ ಭಾಗವಾಗಿ ವೈದ್ಯಕೀಯ ತಜ್ಞರು ಮತ್ತು ಆರೋಗ್ಯ ವೃತ್ತಿಪರರಿಂದ ಆರೋಗ್ಯ ಶಿಬಿರಗಳು ಮತ್ತು ಸಮುದಾಯ ಸಂಪರ್ಕ ಕಾರ್ಯಕ್ರಮ ಆಯೋಜಿಸಲಾಗಿತ್ತು.

ತಂಬಾಕು ಮತ್ತು ಮದ್ಯಪಾನದ ದುಷ್ಪರಿಣಾಮಗಳ ಬಗ್ಗೆ ಪ್ರಬಲ ಸಂದೇಶ ಹೊತ್ತ ಈ ಭಿತ್ತಿಚಿತ್ರ ಸಾರ್ವಜನಿಕರನ್ನು ಸೆಳೆಯಲು ಮತ್ತು ಅವರ ನಡವಳಿಕೆಯಲ್ಲಿ ಬದಲಾವಣೆಯನ್ನು ಪ್ರೇರೇಪಿಸಲು ವಿನ್ಯಾಸಗೊಳಿಸಲಾಗಿತ್ತು. ಈ ಕಲಾಕೃತಿಗಳು ತಂಬಾಕು ಬಳಕೆಯಿಂದ ಉಂಟಾಗುವ ಕ್ಯಾನ್ಸರ್ ಸೇರಿದಂತೆ ಇತರ ಮಾರಣಾಂತಿಕ ಕಾಯಿಲೆಗಳ ಗಂಭೀರ ಆರೋಗ್ಯ ಪರಿಣಾಮ ಎತ್ತಿ ತೋರಿಸಿದವು.

ಈ ಉಪಕ್ರಮದ ಕುರಿತು ಮಾತನಾಡಿದ ಬಿಎಚ್‌ಐಒ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಗೌತಮ್ ಧಮೇರ್ಲ ಅವರು, ಪ್ರಭಾವಶಾಲಿ ದೃಶ್ಯ ಸಂವಹನದ ಮೂಲಕ ಹೆಚ್ಚಿನ ಜನರನ್ನು ತಲುಪುವ ಉದ್ದೇಶವನ್ನು ಈ ಅಭಿಯಾನ ಹೊಂದಿದೆ. 

ಸಾರ್ವಜನಿಕ ಜಾಗೃತಿ ಮೂಡಿಸಲು ನಕ್ಷಾ ಬಿಲ್ಡರ್ಸ್ ಸಹಯೋಗದೊಂದಿಗೆ ನಾವು ಮಾತನಾಡುವ ಗೋಡೆಗಳನ್ನು ಕಟ್ಟಿಕೊಡಲಾಗಿದೆ. ಈ ಯೋಜನೆಯು ಸಾಮಾನ್ಯ ಗೋಡೆಗಳನ್ನು ಆರೋಗ್ಯ ಶಿಕ್ಷಣದ ವೇದಿಕೆಗಳಾಗಿ ಪರಿವರ್ತಿಸಿದ್ದು, ತಂಬಾಕು ಮತ್ತು ಮದ್ಯದ ಹಾನಿಕಾರಕ ಪರಿಣಾಮಗಳ ಬಗ್ಗೆ ಪ್ರಮುಖ ಸಂದೇಶ ರವಾನಿಸುತ್ತದೆ ಎಂದರು.

ಈ ಅಭಿಯಾನದಲ್ಲಿ ವಿದ್ಯಾರ್ಥಿಗಳು ಮತ್ತು ಸ್ಥಳೀಯ ಪ್ರಭಾವಿ ವ್ಯಕ್ತಿಗಳು ಅತ್ಯಂತ ಉತ್ಸಾಹದಿಂದ ಭಾಗವಹಿಸಿದ್ದು, ಇದು ಒಂದು ಸಾಮೂಹಿಕ ಸಮುದಾಯದ ಪ್ರಯತ್ನವಾಗಿ ಮೂಡಿಬಂದಿದೆ ಎಂದರು. 

ಆಸ್ಪತ್ರೆಯ ಆವರಣವನ್ನು ದಾಟಿ ಸಾರ್ವಜನಿಕರಿಗೆ ನೇರವಾಗಿ ಸಂದೇಶ ತಲುಪಿಸುವುದು ನಮ್ಮ ಉದ್ದೇಶವಾಗಿತ್ತು. ಈ ದೃಶ್ಯ ಕಲಾಕೃತಿಗಳು ಮತ್ತು ಜಾಗೃತಿ ಕಾರ್ಯಕ್ರಮಗಳ ಮೂಲಕ, ಜನರು, ವಿಶೇಷವಾಗಿ ಯುವ ಪೀಳಿಗೆ ಇಂತಹ ಹಾನಿಕಾರಕ ಅಭ್ಯಾಸಗಳಿಂದ ದೂರವಿದ್ದು, ಆರೋಗ್ಯಕರ ಆಯ್ಕೆ ಅಳವಡಿಸಿಕೊಳ್ಳಲು ಪ್ರೇರಿತರಾಗುತ್ತಾರೆ ಎಂದು ನಾವು ಭಾವಿಸಿದ್ದು, ಗೋಡೆ ಚಿತ್ರಗಳ ಹೊರತಾಗಿ ನಾವು ಮೈಸೂರು ಮತ್ತು ನೆರೆಯ ಜಿಲ್ಲೆಗಳ ವಿವಿಧ ಸಂಸ್ಥೆಗಳಲ್ಲಿ ಉಪನ್ಯಾಸಗಳು ಮತ್ತು ಶಿಬಿರ ಸಹ ಆಯೋಜಿಸಲಾಗಿದೆ ಎಂದು ವಿವರಿಸಿದರು.

ಈ ಉಪಕ್ರಮಕ್ಕೆ ನಾಗರಿಕರಿಂದ ಅತ್ಯುತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ತಂಬಾಕು ಮುಕ್ತ ಮತ್ತು ಆರೋಗ್ಯಕರ ಸಮಾಜವನ್ನು ನಿರ್ಮಿಸುವ ಮಹತ್ವವನ್ನು ಇದು ಮತ್ತಷ್ಟು ಬಲಪಡಿಸಿತು.

ತಂಬಾಕು ಬಳಕೆಯ ಅಪಾಯಗಳ ಬಗ್ಗೆ ಅರಿವು ಮೂಡಿಸಲು ಬಿಎಚ್‌ಐಒ ಸಂಸ್ಥೆ ವತಿಯಿಂದ ನಗರದ ಗೋಡೆ ಮೇಲೆ ಚಿತ್ರಕಲೆ ಬಿಡುವ ಮೂಲಕ ಅರಿವು ಮೂಡಿಸಲಾಯಿತು. ಗೌತಮ್ ಧಮೇರ್ಲ ಇನ್ನಿತರರಿದ್ದರು.