ಎಸ್ಸೆಸ್ಸೆಲ್ಸಿಯಲ್ಲಿ ಶೇ.100 ಫಲಿತಾಂಶಕ್ಕೆ ಪಣ

ಈ ಬಾರಿ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಜಿಲ್ಲೆ ಶೇ.100 ರಷ್ಟು ಫಲಿತಾಂಶ ಪಡೆಯುವ ನಿಟ್ಟಿನಲ್ಲಿ ಜಿಲ್ಲಾಡಳಿತ ಹಾಗೂ ಶಾಲಾ ಶಿಕ್ಷಣ ಇಲಾಖೆ ಪಣ ತೊಟ್ಟಿದೆ.

ಈ ಬಾರಿ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ 33 ಅಂಕ ಪಡೆದರೆ ಸಾಕು ಉತ್ತೀರ್ಣಗೊಳಿಸಲಾಗುತ್ತದೆ ಎಂದು ಸರ್ಕಾರ ಘೋಷಿಸಿದೆ. ಹೀಗಾಗಿ ಮೈಸೂರು ಜಿಲ್ಲೆಯಲ್ಲಿ ಶೇ.100ರಷ್ಟು ಲಿತಾಂಶ ತರಲು, ಯಾವ ಮಗುವೂ ೇಲಾಗದಂತೆ ನೋಡಿಕೊಳ್ಳಲು ಶಾಲಾ ಶಿಕ್ಷಣ ಇಲಾಖೆ ಪ್ರಯತ್ನ ಮಾಡುತ್ತಿದೆ.

ಮೈಸೂರಿನಲ್ಲಿ ಇತ್ತೀಚೆಗೆ ನಡೆದ ಕೆಡಿಪಿ ಸಭೆಯಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಜಿಲ್ಲೆಯ ಎಸ್ಸೆಸ್ಸೆಲ್ಸಿ ಲಿತಾಂಶ ವೃದ್ಧಿಗೆ ಗಮನಹರಿಸಲು ಸೂಚನೆ ನೀಡಿದ್ದರು. ಹೀಗಾಗಿ ಜಿಲ್ಲಾ ಪಂಚಾಯಿತಿ ಸಿಇಒ ಹಾಗೂ ಶಾಲಾ ಶಿಕ್ಷಣ ಇಲಾಖೆ ಉಪ ನಿರ್ದೇಶಕರು ವಿಶೇಷ ಆಸ್ಥೆ ವಹಿಸಿದ್ದಾರೆ.

ಸಿಇಒ ಯುಕೇಶ್‌ಕುಮಾರ ಅವರು ಪ್ರತಿವಾರ ಸಭೆ ನಡೆಸಿ ವರದಿ ಪಡೆಯುತ್ತಿದ್ದಾರೆ. ಕಳೆದ ವರ್ಷ ಶೇ. 60ಕ್ಕಿಂತ ಕಡಿಮೆ ಲಿತಾಂಶ ಬಂದಿರುವ ಶಾಲೆಗಳನ್ನು ದತ್ತು ಪಡೆಯಲಾಗಿದೆ. ಜತೆಗೆ ಆ ಶಾಲೆಗಳಿಗೆ ನಿರಂತರವಾಗಿ ಭೇಟಿ ನೀಡಿ ಕಲಿಕಾ ಪ್ರಗತಿ ಬಗ್ಗೆ ಗಮನಹರಿಸಲಾಗುತ್ತಿದೆ.

20 ಅಂಕ ಪಡೆಯುವ ಮಕ್ಕಳೇ ಟಾರ್ಗೆಟ್: ಇದುವರೆಗೂ ಕಿರುಪರೀಕ್ಷೆಯಲ್ಲಿ 80 ಅಂಕಕ್ಕೆ 20ಕ್ಕಿಂತ ಕಡಿಮೆ ಅಂಕ ಪಡೆಯುತ್ತಿರುವ ಮಕ್ಕಳನ್ನೇ ಶಿಕ್ಷಣ ಇಲಾಖೆ ಗುರಿಯಾಗಿಟ್ಟುಕೊಂಡಿದೆ. ಪ್ರತಿ ಶಾಲೆಯಲ್ಲೂ ಈ ರೀತಿಯ 7ರಿಂದ 8 ಮಕ್ಕಳು ಕಂಡು ಬರುತ್ತಿದ್ದಾರೆ. ಇವರಿಗಾಗಿಯೇ ಸೂಕ್ಷ್ಮಕ್ರಿಯಾ ಯೋಜನೆ ಸಿದ್ಧಪಡಿಸಲಾಗಿದೆ. ಬೋರ್ಡ್ ಬಿಡುಗಡೆ ಮಾಡಿರುವ 4 ಮಾದರಿ ಪ್ರಶ್ನೆ ಪತ್ರಿಕೆ ಹಾಗೂ ಬ್ಲೂಪ್ರಿಂಟ್‌ಗಳನ್ನು ಅಭ್ಯಾಸ ಮಾಡಿಸಲಾಗುತ್ತಿದೆ. ಆ ಮೂಲಕ ಎಲ್ಲ ಮಕ್ಕಳು ಪಾಸಾಗಬೇಕು ಎಂಬುದು ಇದರ ಉದ್ದೇಶವಾಗಿದೆ.

15 ದಿನಕ್ಕೊಮ್ಮೆ ಪ್ರಗತಿ ಪರಿಶೀಲನೆ: ‘ಮಕ್ಕಳಿಗೆ ಯಾವ ವಿಷಯ ಕಷ್ಟ ಆಗುತ್ತಿದೆ? ಎಷ್ಟು ವಿಷಯದಲ್ಲಿ ಪಾಸಾಗಬಹುದು? ಕಲಿಕೆ ಸುಧಾರಣೆಗೆ ಏನು ಮಾಡಬಹುದು? ಎಂಬುದನ್ನು 15 ದಿನಕ್ಕೊಮ್ಮೆ ಪ್ರಗತಿ ಪರಿಶೀಲನೆ ಮಾಡಲಾಗುತ್ತಿದೆ. ಪ್ರತಿ ತಾಲೂಕಿನಲ್ಲಿ ಮುಖ್ಯಶಿಕ್ಷಕರ ಸಭೆ ನಡೆಸಲಾಗುತ್ತಿದೆ. ಮಕ್ಕಳಿಗೆ ಪ್ರೇರಣೆ ನೀಡುವ ಉಪನ್ಯಾಸ ನೀಡಲಾಗುತ್ತಿದೆ. ಪ್ರತಿದಿನ ಒಂದೊಂದು ತಾಲೂಕಿನ ಮುಖ್ಯೋಪಾಧ್ಯಾಯರು ಹಾಗೂ ಶಿಕ್ಷಕರು ಗೂಗಲ್ ಮೀಟ್‌ನಲ್ಲಿ ಭಾಗಿಯಾಗಿ ಮಕ್ಕಳ ಕಲಿಕೆ ಬಗ್ಗೆ ಮಾಹಿತಿ ನೀಡುತ್ತಿದ್ದಾರೆ ಎನ್ನುತ್ತಾರೆ ಅಧಿಕಾರಿಗಳು.

5 ಸಾವಿರ ಮಕ್ಕಳು ಕಲಿಕೆಯಲ್ಲಿ ಹಿಂದೆ: ಮೈಸೂರು ಜಿಲ್ಲೆಯಲ್ಲಿ ಕಲಿಕೆಯಲ್ಲಿ ಹಿಂದುಳಿದಿರುವ 5,321 ಮಕ್ಕಳನ್ನು ಗುರುತಿಸಲಾಗಿದೆ. ಇಂತಹ ಮಕ್ಕಳ ಮೇಲೆ ವಿಶೇಷ ನಿಗಾ ವಹಿಸಲಾಗಿದೆ. ಗುಂಪು ಚರ್ಚೆ ಹಾಗೂ ವಿಶೇಷ ತರಗತಿಯನ್ನೂ ನಡೆಸಲಾಗುತ್ತಿದೆ.

ಈ ಬಾರಿ ಮಕ್ಕಳ ಕಲಿಕಾ ಮಟ್ಟ ಹೆಚ್ಚಿಸುವ ಹಾಗೂ ಪರೀಕ್ಷೆಗೆ ತಯಾರು ನಡೆಸುವ ಉದ್ದೇಶದಿಂದ ‘ಓಪನ್ ಬುಕ್’ ಕಿರು ಪರೀಕ್ಷೆ ಅಥವಾ ತೆರೆದ ಪುಸ್ತಕ ಕಿರು ಪರೀಕ್ಷೆ ಮೂಲಕವೂ ವಿದ್ಯಾರ್ಥಿಗಳ ಸಾಮರ್ಥ್ಯ ಹೆಚ್ಚಿಸುವ ಪ್ರಯತ್ನ ಮಾಡಲಾಗುತ್ತದೆ.

ವಿದ್ಯಾರ್ಥಿಗಳು ಪರೀಕ್ಷೆಯ ಸಮಯದಲ್ಲಿ ಪಠ್ಯಪುಸ್ತಕಗಳು, ಟಿಪ್ಪಣಿಗಳು ಮತ್ತು ಇತರ ಅನುಮೋದಿತ ವಸ್ತುಗಳನ್ನು ಬಳಸಿಕೊಂಡು ಉತ್ತರಿಸಲು ಅನುಮತಿಸುವ ಒಂದು ಮೌಲ್ಯಮಾಪನ ವಿಧಾನವಾಗಿದೆ. ಇದು ಕಂಠಪಾಠದ ಬದಲು ವಿಮರ್ಶಾತ್ಮಕ ಆಲೋಚನೆ, ವಿಶ್ಲೇಷಣೆ ಮತ್ತು ಜ್ಞಾನದ ಅನ್ವಯಿಕತೆಯನ್ನು ಪರೀಕ್ಷಿಸುತ್ತದೆ. ವಿದ್ಯಾರ್ಥಿಗಳ ಆಲೋಚನಾ ಶಕ್ತಿ ಮತ್ತು ಸಮಸ್ಯೆಯನ್ನು ಪರಿಹರಿಸುವ ಕೌಶಲ್ಯವನ್ನು ಪರೀಕ್ಷಿಸಲು ಅನುಕೂಲ ಕಲ್ಪಿಸುತ್ತದೆ. ಕಂಠಪಾಠದ ಮೇಲೆ ಕಡಿಮೆ ಗಮನಹರಿಸಿ, ಕಲಿತದ್ದನ್ನು ಅರ್ಥ ಮಾಡಿಕೊಳ್ಳುವ ಮತ್ತು ಬಳಸಿಕೊಳ್ಳುವ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ಪರೀಕ್ಷೆಯ ಒತ್ತಡವನ್ನು ಕಡಿಮೆ ಮಾಡುತ್ತದೆ ಮತ್ತು ವಿಷಯದ ಆಳವಾದ ತಿಳುವಳಿಕೆಯನ್ನು ಉತ್ತೇಜಿಸುತ್ತದೆ.

*ಎಚ್‌ಎಂ, ಶಿಕ್ಷಕರು, ಬಿಇಒಗಳಿಂದ ಎಸ್ಸೆಸ್ಸೆಲ್ಸಿ ಮಕ್ಕಳ ಮನೆ ಮನೆ ಭೇಟಿ.

*ಕಲಿಕೆಯಲ್ಲಿ ಹಿಂದುಳಿದ ಮಕ್ಕಳನ್ನು ತಾಲೂಕು ಅನುಪಾಲನ ಅಧಿಕಾರಿಗಳಿಗೆ ದತ್ತು ನೀಡಲಾಗಿದೆ.

*ಬೋರ್ಡ್ ಮಾದರಿ ಪ್ರಶ್ನೆ ಪತ್ರಿಕೆ ಒಳಗೊಂಡಿರುವ ‘ಕಲಿಕಾ ದೀಪ್ತಿ’ ಪುಸ್ತಕ ಬಿಡುಗಡೆ

*ಶಿಕ್ಷಕರಿಗೆ ವಿಷಯವಾರು ಕಾರ್ಯಾಗಾರ ಹಾಗೂ ಪ್ರೇರಣಾದಾಯಿ ಉಪನ್ಯಾಸ.

*ಕಳೆದ ಬಾರಿ ಶೇ.60ಕ್ಕಿಂತ ಕಡಿಮೆ ಲಿತಾಂಶ ಬಂದ ಶಾಲೆಗಳ ಮೇಲೆ ವಿಶೇಷ ನಿಗಾ.

*ಕಲಿಕಾ ಮಟ್ಟ ತಿಳಿಯಲು ‘ಓಪನ್ ಬುಕ್’ ಕಿರುಪರೀಕ್ಷೆ

*ಮಕ್ಕಳಿಂದಲೇ ಸೆಮಿನಾರ್ ಮತ್ತು ಪ್ರಶ್ನೋತ್ತರ ಕೇಳುವುದು

*ವಿಷಯ ಆಧಾರಿತ ಶಿಕ್ಷಕರಿಂದ ಪ್ರತಿದಿನ ಒಂದೊಂದು ತಾಲೂಕಿನಲ್ಲಿ ಜೂಮ್ ಮತ್ತು ಗೂಗಲ್ ಮೀಟ್ ಮೂಲಕ ತರಬೇತಿ

*ಭಾನುವಾರ ವಿಶೇಷ ತರಗತಿ, ಪ್ರತಿನಿತ್ಯ ಹೆಚ್ಚುವರಿ ಸಮಯ ವಿಶೇಷ ತರಗತಿ

"