ಕಣಗಾಲು ಗ್ರಾಮದಲ್ಲಿ ಆಂಜನೇಯ ಸ್ವಾಮಿ ಉತ್ಸವ

ಉತ್ಸವದ ಅಂಗವಾಗಿ ಶ್ರೀ ಆಂಜನೇಯ ಸ್ವಾಮಿ ದೇವಾಲಯದಲ್ಲಿ ಉತ್ಸವ ಮೂರ್ತಿಗೆ ವಿಶೇಷ ಪೂಜೆ ಹಾಗೂ ಧಾರ್ಮಿಕ ವಿಧಿ ವಿಧಾನಗಳನ್ನು ನೆರವೇರಿಸಲಾಯಿತು. ಬಳಿಕ ದೇವರ ಉತ್ಸವ ಮೂರ್ತಿಯನ್ನು ವಿಶೇಷವಾಗಿ ಅಲಂಕರಿಸಿದ್ದ ಪಲ್ಲಕ್ಕಿಯಲ್ಲಿ ಪ್ರತಿಷ್ಠಾಪಿಸಿ ಮಂಗಳವಾದ್ಯಗಳೊಂದಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಮಾಡಲಾಯಿತು. ಮೆರವಣಿಗೆ ಉದ್ದಕ್ಕೂ ಭಕ್ತರು ಪೂಜೆ ಸಲ್ಲಿಸಿದರು.

ಆರ್ಚಕ ಶ್ರೀನಿವಾಸ, ಮುಖಂಡರಾದ ಕೆ.ಮಹದೇವ್, ಕೆ.ಎಸ್.ಮೂರ್ತಿ, ಗೋವಿಂದೇಗೌಡ, ಹರೀಶ್, ಅಶೋಕ, ಪುಟ್ಟಿಕುಮಾರ, ಮಹಾದೇವ, ಸಣ್ಣಕಾಳ, ಕೃಷ್ಣಶೆಟ್ಟಿ, ಸ್ವಾಮಿ, ಮಂಜಶೆಟ್ಟಿ, ಸುಬ್ಬಯ್ಯ, ಮಹದೇವ ಭಾಗವಹಿಸಿದ್ದರು.