ಯಾವುದೇ ಒಬ್ಬ ಸೆಲೆಬ್ರಿಟಿ ಒಂದು ಉತ್ಪನ್ನವನ್ನ ಬಳಸಿದಾಕ್ಷಣ, ಅದನ್ನ ನೋಡಿ ಜನಸಾಮಾನ್ಯರು ಅದೇ ಪ್ರೊಡಕ್ಟ್ನ್ನ ಖರೀದಿಸುವ ಕಾಲ ಇದಲ್ಲ. ಈ ಸೋಪ್ ಅಥವಾ ಯಾವುದೇ ಉತ್ಪನ್ನ ಬಳಸಿದಾಕ್ಷಣ ನಾವೂ ಅದರ ರಾಯಭಾರಿಯಂತೆ ಆಗುವುದಿಲ್ಲ ಎಂಬುದು ಜನರಿಗೆ ಸ್ಪಷ್ಟವಾಗಿ ಗೊತ್ತಿರುತ್ತದೆ. ಮೈಸೂರು ಸ್ಯಾಂಡಲ್ ಸೋಪ್ ಬಳಸುವ ಪ್ರತಿಯೊಬ್ಬರೂ ಅದರ ರಾಯಭಾರಿಗಳೇ. ಈ ಸೋಪ್ಗೆ ಪ್ರತಿಯೊಬ್ಬ ಕನ್ನಡಿಗನೂ ರಾಯಭಾರಿಯೇ. ಮೈಸೂರ್ ಸ್ಯಾಂಡಲ್ನ್ನ ಜಗತ್ತಿಗೆ ಪಸರಿಸಿ ಎಂದು ಕನ್ನಡಿಗರಿಗೆ ಹೇಳಿ..ಅವರು ಪ್ರೀತಿಯಿಂದ ಮಾಡುತ್ತಾರೆ. ನಮ್ಮ ಹೆಮ್ಮೆ ಎಂದು ಭಾವಿಸಿ ಯಾವುದೇ ಖರ್ಚಿಲ್ಲದೆ ಆ ಕೆಲಸ ಮಾಡಿಕೊಡುತ್ತಾರೆ. ಉದಾಹರಣೆಗೆ, ಆಪಲ್ ಇಂದು ಬಹುದೊಡ್ಡ ಬ್ರ್ಯಾಂಡ್ ಆಗಿ ಬೆಳೆದಿದೆ. ಆದರೆ ಎಂದಿಗೂ ಬ್ರ್ಯಾಂಡ್ ಅಂಬಾಸಿಡರ್ಗಾಗಿ ಹಣ ವ್ಯಯ ಮಾಡಿಲ್ಲʼ ಎಂದು ರಮ್ಯಾ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಸುದೀರ್ಘ ಪೋಸ್ಟ್ ಹಾಕಿದ್ದಾರೆ. ಮೈಸೂರ್ ಸ್ಯಾಂಡಲ್ ಸೋಪ್ಗೆ ರಾಯಭಾರಿಯೇ ಬೇಕಿರಲಿಲ್ಲ ಎಂಬರ್ಥದಲ್ಲಿ ನಟಿ ರಮ್ಯಾ ಪೋಸ್ಟ್ ಮಾಡಿದ್ದಾರೆ. (ಏಜೆನ್ಸೀಸ್)
