ಮಳಲವಾಡಿ ಗ್ರಾಮದ ಸರ್ವೇ ನಂ.1 ರಿಂದ 23, 199, 209, 210ರ ಒಟ್ಟು 57 ಎಕರೆ ಜಮೀನನ್ನು ಮುಡಾ (ಅಂದಿನ ಸಿಐಟಿಬಿ) ಸರಸ್ವತಿಪುರಂ, ತೊಣಚಿಕೊಪ್ಪಲು, ಜಯನಗರ ಬಡಾವಣೆ ನಿರ್ಮಾಣಕ್ಕೆ 1979ರಲ್ಲಿ ಭೂ ಸ್ವಾಧೀನಪಡಿಸಿಕೊಂಡಿತ್ತು. ಭೂಮಿ ಕಳೆದುಕೊ ಂಡ ಮಾಲೀಕರಿಗೆ ಪರಿಹಾರ ನೀಡಲಾಯಿತು. ಆದರೆ, ವೀಳ್ಯದೆಲೆ ತೋಟವನ್ನು ಗುತ್ತಿಗೆ ಪಡೆದು ವೀಳ್ಯದೆಲೆ ಬೆಳೆಯುತ್ತಿದ್ದ ರೈತರು ಸಂಕಷ್ಟಕ್ಕೆ ಸಿಲುಕಿದರು. ಹಾಗಾಗಿ ಮಾನವೀಯ ನೆಲೆಗಟ್ಟಿನಲ್ಲಿ 245 ಜನ ಪರಿಶಿಷ್ಟ ಜಾತಿಗೆ ಸೇರಿದ ವೀಳ್ಯದೆಲೆ ಬೆಳೆಗಾರರಿಗೆ 5 ಗುಂಟೆ ಜಾಗ ನೀಡಲು 2018ರಲ್ಲಿ ಸರ್ಕಾರ ಆದೇಶ ಹೊರಡಿಸಿತ್ತು. ಈ ಕುರಿತು ಅರ್ಜಿ ಆಹ್ವಾನಿಸಿ ಕ್ರಮಬದ್ಧವಾಗಿದ್ದ 46 ಅರ್ಜಿದಾ ರರಿಗೆ ಇದೀಗ ಜಾಗ ಮಂಜೂರಾತಿಗೆ ಕೌನ್ಸಿಲ್ನಲ್ಲಿ ಒಪ್ಪಿಗೆ ಸೂಚಿಸಲಾಯಿತು.
