ದೇಶ-ವಿದೇಶಗಳಲ್ಲಿ ನೆಲೆಸಿರುವ 2000ಕ್ಕೂ ಹೆಚ್ಚು ಹಿರಿಯ ವಿದ್ಯಾರ್ಥಿಗಳು ಸಂಘದ ಸದಸ್ಯರಾಗಿದ್ದಾರೆ. ಮುಖ್ಯಮಂತ್ರಿಗಳ ಜಂಟಿ ಕಾರ್ಯದರ್ಶಿ ಬಿ.ಶಿವಸ್ವಾಮಿ ಸಂಘದ ಅಧ್ಯಕ್ಷರಾಗಿದ್ದು, ಎಂ.ರಾಮಯ್ಯ ಗೌರವಾಧ್ಯಕ್ಷರಾಗಿದ್ದಾರೆ. ಮಂಡ್ಯ ಜಿಲ್ಲಾಧಿಕಾರಿ ಡಾ.ಕುಮಾರ್(ಕಾರ್ಯಾಧ್ಯಕ್ಷ), ಹಿರಿಯ ವಕೀಲ ಬಿ.ಪಿ.ರಾಜೇಶ್(ಕಾರ್ಯದರ್ಶಿ), ಜೆ.ಕೆ.ರಮೇಶ್ಗೌಡ(ಜಂಟಿ ಕಾರ್ಯದರ್ಶಿ), ಮುಖ್ಯಮಂತ್ರಿಗಳ ವಿಶೇಷ ಮುಖ್ಯಾಧಿಕಾರಿ ಆರ್.ಮಹದೇವ(ಉಪಾಧ್ಯಕ್ಷ), ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಕೆ.ರುಕ್ಮಾಂಗದ(ಖಜಾಂಚಿ) ಪದಾಧಿಕಾರಿಗಳಾಗಿದ್ದಾರೆ. ಹಿರಿಯ ವೈದ್ಯರು, ಪೊಲೀಸ್ ಅಧಿಕಾರಿಗಳು, ಐಎಎಸ್, ಕೆಎಎಸ್ ಅಧಿಕಾರಿಗಳು ಸೇರಿದಂತೆ ಅನೇಕರು ಸಂಘದಲ್ಲಿದ್ದಾರೆ.
