ಮುಸ್ಲಿಂ ಸಮಾಜದ ವಿರುದ್ಧ ಅವಹೇಳನ ಹೇಳಿಕೆ; ವೈದ್ಯನ ಮೇಲೆ ಮಾರಣಾಂತಿಕ ಹಲ್ಲೆ

ರಾಣೆಬೆನ್ನೂರ: ಮುಸ್ಲಿಂ ಸಮಾಜದವರ ವಿರುದ್ಧ ಅವಹೇಳನಕಾರಿಯಾಗಿ ಮಾತನಾಡಿದ್ದಾನೆ ಎಂದು ಕ್ಲಿನಿಕ್​ಗೆ ನುಗ್ಗಿದ ನೂರಾರು ಮುಸ್ಲಿಂ ಯುವಕರು ವೈದ್ಯನ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿದ ಟನೆ ನಗರದ ಕೋಟೆ ಓಣಿಯಲ್ಲಿ ನಡೆದಿದ್ದು, ಪ್ರಕರಣಕ್ಕೆ ಸಂಬಂಧಿಸಿ ಶಹರ ಪೊಲೀಸ್​ ಠಾಣೆಯಲ್ಲಿ ದೂರು&ಪ್ರತಿದೂರು ದಾಖಲಾಗಿದೆ.

ಇಲ್ಲಿಯ ರಾಜೇಶ್ವರಿ ನಗರದ ನಿವಾಸಿ ಡಾ. ಗುರುಮೂರ್ತಯ್ಯ ಗಂಗಾಧರಯ್ಯ ರಾಚೋಟಿಮಠ (46) ಎಂಬುವರ ಮೇಲೆ ಹಲ್ಲೆ ನಡೆಸಿರುವುದು. ಈ ಪ್ರಕರಣಕ್ಕೆ ಸಂಬಂಧಿಸಿ ಮಕ್ಸೂದ್​ ಮೊಮೀನ್​, ಸೈಯದ್​ ಅಹ್ಮದ್​ ಮಕಾಂದಾರ, ಸೈಯದ್​ ಹೊನ್ನಾಳಿ, ಜಾರಸಾಧೀಕ್​ ಕಿಲ್ಲೇದಾರ, ಅಬ್ದುಲ್​ ಮೊನಾಪ್​ ಮೊಮೀನ್​ ಸೇರಿ 20ರಿಂದ 30 ಜನರ ವಿರುದ್ಧ ಪ್ರಕರಣ ದಾಖಲಾಗಿದೆ.

ಇವರು ಡಾ. ಗುರುಮೂರ್ತಯ್ಯನ ಕ್ಲಿನಿಕ್​ಗೆ ನುಗ್ಗಿ ಇಸ್ಲಾಂ ಧರ್ಮದ ಬಗ್ಗೆ ಅಗೌರವವಾಗಿ ಮಾತನಾಡಿದ್ದಾನೆ ಎಂದು ಆರೋಪಿ ಮನಸ್ಸೋಇಚ್ಛೆ ಮಾರಣಾಂತಿಕ ಹಲ್ಲೆ ಮಾಡಿದ್ದಾರೆ. ಅಲ್ಲದೆ ವೈದ್ಯನ ಕ್ಲಿನಿಕ್​ ಎದುರು ನಿಲ್ಲಿಸಿದ್ದ ಇಲೆಕ್ಟ್ರಿಕಲ್​ ಬೈಕ್​ ಎತ್ತಿ ಬಿಸಾಕಿದ್ದು ಅದು ಕೂಡ ಬೆಂಕಿ ಹತ್ತಿ ಉರಿದಿದೆ. ಕೂಡಲೇ ಟನಾ ಸ್ಥಳಕ್ಕೆ ಬಂದ ಶಹರ ಠಾಣೆ ಪೊಲೀಸರು ವೈದ್ಯನನ್ನು ರಕ್ಷಣೆ ಮಾಡಿ ತಾಲೂಕು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿ ಠಾಣೆಗೆ ಕರೆತಂದಿದ್ದಾರೆ.

ವೈದ್ಯನ ವಿರುದ್ಧ ಮಹ್ಮದಜಾರ್​ ಖಲೀಲಅಹ್ಮದ್​ ಮೊಮೀನ್​ (37) ಎಂಬುವನು ಪ್ರತಿದೂರು ನೀಡಿದ್ದಾನೆ. ನನ್ನ ಅಕ್ಕನ ಮಗನನ್ನು ವೈದ್ಯನ ಬಳಿ ತೋರಿಸಲು ಹೋದಾಗ "ನಮ್ಮ ಸಂಬಂಧಿಕರಿಗೆ ಪಹಲ್ಗಾಮ್​ನಲ್ಲಿ ಮುಸ್ಮಿಮರು ಹೊಡೆದಿದ್ದಾರೆ. ಪಾಕಿಸ್ತಾನ ಜಿಂದಾಬಾದ್​ ಎಂದು ಹೇಳುತ್ತಾರೆ' ಎಂಬುದು ಸೇರಿ ಅವಹೇಳನಕಾರಿಯಾಗಿ ಮಾತನಾಡಿದ್ದಾನೆ' ಎಂದು ದೂರಿನಲ್ಲಿ ಆರೋಪಿಸಿದ್ದಾನೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.