ನಾಲ್ಕು ವರ್ಷಗಳ ಹಿಂದೆ ಸಮೀರ್ ಮತ್ತು ಸೈಯದ್ ರಾಜಿಖ್ ಸ್ನೇಹಿತರಾಗಿದ್ದರು. ಆದರೆ ಹಣಕಾಸಿನ ವಿಚಾರದಲ್ಲಿ ಕಿತ್ತಾಡಿಕೊಂಡಿದ್ದರು. ಇದೇ ವಿಚಾರವಾಗಿ ರಾಜೀ ಮಾಡಿಕೊಳ್ಳುವುದಾಗಿ ಹೇಳಿ ಶುಕ್ರವಾರ ರಾತ್ರಿ ಗೌಡ್ರಳ್ಳಿಯ ತೋಟಕ್ಕೆ ಕರೆಸಿಕೊಂಡಿದ್ದರು.
ಅಲ್ಲಿಯೂ ಪರಸ್ಪರ ವಾಗ್ವಾದ ನಡೆದು ಮಾರಕಾಸ್ತ್ರಗಳಿಂದ ಸಮೀರ್ ಮತ್ತು ಆತನ ಸಹಚರರು ಹತ್ಯೆ ಮಾಡಿ ಪರಾರಿಯಾಗಿದ್ದಾರೆ. ಘಟನಾ ಸ್ಥಳಕ್ಕೆ ಭದ್ರಾವತಿ ಗ್ರಾಮಾಂತರ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದರು.
ಹತ್ಯೆಯಾದ ಸೈಯದ್ ರಾಜಿಖ್ ಕೂಡ ರೌಡಿಶೀಟರ್ ಆಗಿದ್ದು ತುಂಗಾನಗರ ಪೊಲೀಸ್ ಠಾಣೆಯಲ್ಲಿ ಈತನ ಮೇಲೆ ಕೊಲೆ, ಕೊಲೆಯತ್ನ ಸೇರಿ ಹಲವು ಪ್ರಕರಣಗಳಿದ್ದವು. ಭದ್ರಾವತಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
