ಗ್ರಾಮದ ಹುಸೇನ್ ತಾಶೇವಾಲೆ (45) ಮೃತ ವ್ಯಕ್ತಿ. ಮಿಥುನ್ ಕುಬಚಿ, ಮನೋಜ್ ಇಂಗಳೆ ಬಂಧಿತ ಆರೋಪಿಗಳು. ಮೃತ ಹುಸೇನ್ ಕೊಲೆ ಆರೋಪಿಗಳಿಗೆ 500 ರೂ. ಕೊಡಬೇಕಿತ್ತು. ವಾರದಿಂದ ಅಲೆದರೂ ಹಣ ವಾಪಸ್ ನೀಡರಲಿಲ್ಲ. ಈ ಹಿನ್ನೆಲೆ ಸೋಮವಾರ ಮತ್ತೆ ಮನೆ ಬಾಗಿಲಿಗೆ ಬಂದು 500 ರೂ. ಕೇಳಿದ್ದಾರೆ. ಈ ವೇಳೆ ಮೂವರ ನಡುವೆ ಮಾತಿಗೆ ಮಾತು ಬೆಳದು ಆರೋಪಿಗಳು ಇಬ್ಬರು ಸೇರಿ ಹುಸೇನ್ ಮೇಲೆ ಮಾರಣಾಂತಿ ಹಲ್ಲೆ ನಡೆಸಿದ್ದರು. ತಕ್ಷಣವೇ ಬಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿತ್ತು. ಆದರೆ, ಚಿಕಿತ್ಸೆ ಫಲಿಸದೆ ಆಸ್ಪತ್ರೆಯಲ್ಲಿಯೇ ಹುಸೇನ್ ಮೃತಪಟ್ಟಿದ್ದಾನೆ. ಈ ಕುರಿತು ಮೃತನ ಕುಟುಂಬಸ್ಥರು ನೀಡಿದ ದೂರಿನ ಆಧಾರದ ಮೇಲೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ ಎಂದು ನಗರ ಪೊಲೀಸ್ ಆಯುಕ್ತ ಭೂಷಣ ಗುಲಾಬರಾವ್ ಬೋರಸೆ ತಿಳಿಸಿದ್ದಾರೆ.
