ಸದಾಶಿವ ಶೆಟ್ಟಿ ಮತ್ತು ವಸಂತಿ ಶೆಟ್ಟಿ ದಂಪತಿ ತುರ್ತು ಕೆಲಸದ ನಿಮಿತ್ತ ಭಾನುವಾರ ಬೆಳಗ್ಗೆ ಹಳೆಯಂಗಡಿ ಪೇಟೆಗೆ ತೆರಳಿದ್ದರು, ಕೆಲಸ ಮುಗಿದ ಬಳಿಕ ಪತ್ನಿಯನ್ನು ಆಟೋದಲ್ಲಿ ಮನೆಗೆ ಕಳುಹಿಸಿದ್ದರು. ಅವರು ಮನೆಗೆ ಬಂದು ಸುಧಾರಿಸಿಕೊಳ್ಳುವಷ್ಟರಲ್ಲಿ ಬೈಕ್ನಲ್ಲಿ ಬಂದಾತ ಪೆಟ್ರೋಲ್ ಖಾಲಿಯಾಗಿದ್ದು, ಅದನ್ನು ತರಲು ಬಾಟಲಿ ಬೇಕೆಂದು ಕೇಳಿದ್ದಾನೆ. ಮಹಿಳೆ ನೀರಿನ ಖಾಲಿ ಬಾಟಲಿ ನೀಡಿದ್ದಾರೆ. ಅದನ್ನು ಪಡೆದು ಹೋದಾತ ಮತ್ತೆ ಬಂದು ಚಿಕ್ಕ ಬಾಟಲಿ ಬೇಕೆಂದು ಕೇಳಿದ್ದಾನೆ, ಮಹಿಳೆ ಬಾಟಲಿ ಹುಡುಕಿ ತರುವಷ್ಟರಲ್ಲಿ ಮನೆ ಬಾಗಿಲಲ್ಲಿ ನಿಂತಿದ್ದ ಮೂವರು ಚೂರಿ ತೋರಿಸಿ ಕುತ್ತಿಗೆಯಲ್ಲಿದ್ದ ಕರಿಮಣಿ ಸರ ಕಿತ್ತ್ತುಕೊಂಡು ಪರಾರಿಯಾಗಿದ್ದಾರೆ. ಮೂಲ್ಕಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
