70 ಲೋಡ್ ಪೂರೈಕೆ: 15 ಕೆಜಿ ಬಾಕ್ಸ್ ಒಂದಕ್ಕೆ 50ರಿಂದ 120 ರೂ. ವರೆಗೂ ಎನ್.ವಡ್ಡಹಳ್ಳಿ ಎಪಿಎಂಸಿ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ದೂರದ ಛತ್ತೀಸ್ಗಢ ಸೇರಿ ಚೆನ್ನೈ, ಮಧುರೈ ಮತ್ತಿತರೆಡೆ ಪ್ರತಿನಿತ್ಯ ವಡ್ಡಹಳ್ಳಿಯಿಂದ 50ರಿಂದ 70 ಲಾರಿ ಲೋಡ್ಗಳಲ್ಲಿ ಟೊಮ್ಯಾಟೊ ಪೂರೈಕೆಯಾಗುತ್ತಿದೆ. ಮುಂದಿನ ದಿನಗಳಲ್ಲಿ ಉತ್ತರ ಭಾರತದ ಕಡೆ ಪೂರೈಕೆಯಾದರೆ ಮತ್ತಷ್ಟು ಬೆಲೆ ಏರಿಕೆ ಕಾಣಲಿದೆ. ಬೇಸಿಗೆ ತಾಪಮಾನ 35 ಡಿಗ್ರಿಗೂ ಹೆಚ್ಚಾಗಿದ್ದು ನೀರಿನ ಅಭಾವದ ನಡುವೆ ಕೃಷಿಕರು 1500 ಅಡಿಗೂ ಹೆಚ್ಚು ಅಂತರದಿಂದ ಕೊಳವೆಬಾವಿ ಮೂಲಕ ನೀರು ಮೇಲೆತ್ತಿ ಹನಿ ನೀರಾವರಿ ಮೂಲಕ ಹಣ್ಣು ಮತ್ತು ತೋಟಗಾರಿಕೆ ಬೆಳೆ ಮಾಡುತ್ತಿದ್ದು, ಬೆಲೆಯಿಲ್ಲದೆ ನೆಲ ಕಚ್ಚಿದ್ದರು. ಈಗ ಪೂರೈಕೆ ಜತೆಗೆ ಬೆಡಿಕೆಯೂ ಹೆಚ್ಚಿರುವುದರಿಂದ ಬೆಳೆ ಇರುವ ರೈತರಿಗೆ ಶುಕ್ರ ದೆಸೆ ಆರಂಭವಾಗುತ್ತಿದೆ.
