ಆದರೆ, ಕೇವಲ ನಿವೇಶನ ಪತ್ರ ಕೈಗೆ ನೀಡಿದ ಕೆಬಿಜೆಎನ್ಎಲ್ ಅಧಿಕಾರಿಗಳು ಸ್ಥಳಕ್ಕೆ ಬಂದು ನಿವೇಶನ ಗುರುತಿಸಿ ಕೊಡದೆ ಬೇಜವಾಬ್ದಾರಿ ಮಾಡಿದ್ದರು. ನಿವೇಶನಕ್ಕಾಗಿ ಹೋರಾಟ ಮಾಡುತ್ತ ಬಂದಿದ್ದ ಫಲಾನುಭವಿ ಕಳೆದ ಎಂಟು ವಷರ್ಗಳ ಹಿಂದೆ ತೀರಿಹೋಗಿದ್ದಾರೆ. ಆದರೆ, ಫಲಾನುಭವಿ ಹೆಂಡತಿ ಬಸಮ್ಮ ಜಿಲ್ಲೆಯ ಡಿಸಿ, ಸಿಇಒ, ಎಸಿ, ಇಒ, ಗ್ರಾಪಂ ಅಧಿಕಾರಿಗಳ ಗಮನಕ್ಕೆ ತಂದರೂ ಗಮನ ಹರಿಸಿರಲಿಲ್ಲ. ಇದರಿಂದ ನೊಂದಿದ್ದ ಬಸಮ್ಮ, ಗ್ರಾಮಕ್ಕೆ ಬಂದಿದ್ದ ಕೆಬಿಜೆಎನ್ಎಲ್ ಅಧಿಕಾರಿಗಳ ಮುಂದೆ ನ್ಯಾಯಯುತವಾಗಿ ನಿವೇಶನ ಗುರುತಿಸಿ ಕೊಡುವಂತೆ ದಾಖಲೆಗಳೊಂದಿಗೆ ಮನವಿ ಮಾಡಿದರು. ಅಧಿಕಾರಿಗಳು ಸ್ಪಂದಿಸದಿದ್ದಾಗ ವಾಹನದ ಮುಂದೆ ಮಲಗಿ ಪ್ರತಿಭಟನೆ ನಡೆಸಿದರು. ಕಕ್ಕಾಬಿಕ್ಕಿಯಾದ ಅಧಿಕಾರಿ ಹನುಮಂತ ಭಜೆಂತ್ರಿ, ಸಮಾಧಾನ ಪಡಿಸಿ ಭರವಸೆ ನೀಡಿದರು.
