ರಸ್ತೆ, ನಾಮಫಲಕ ಇಲ್ಲ: ಗ್ರಾಮದಿಂದ ಒಂದು ಕಿಮೀ ದೂರದಲ್ಲಿರುವ ಕೆರೆಗೆ ತೆರಳಲು ಸಮಪರ್ಕವಾದ ರಸ್ತೆ ಇಲ್ಲ. ಇದ್ದ ಮಾರ್ಗವನ್ನೂ ದುರಸ್ತಿಪಡಿಸಲ್ಲ. ಇತ್ತೀಚೆಗೆ ಸುರಿದ ಮಳೆಗೆ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು, ಗುಂಡಿಗಳು ನಿರ್ಮಾಣವಾಗಿವೆ. ಸಾರ್ವಜನಿಕರು, ಜಾನುವಾರುಗಳು, ಎತ್ತಿನ ಬಂಡಿ, ಟ್ರಾೃಕ್ಟರ್ ದ್ವಿಚಕ್ರ ವಾಹನದ ಸವಾರರಿಗೆ ತೊಂದರೆಯಾಗಿದೆ. ಜಿನುಗು ಕೆರೆಗೆ ಈವರೆಗೆ ಸಂಬಂಧಿಸಿದ ಸಣ್ಣ ನೀರಾವರಿ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿಲ್ಲ. ಕೆರೆಯ ನಾಮಫಲಕ ಅಳವಡಿಸಿಲ್ಲ. ಕಾವಲುಗಾರರನ್ನು ನೇಮಿಸಿಲ್ಲ. ಸಂಬಂಧಿಸಿದವರು ಕೂಡಲೇ ಕೆರೆ ಹೂಳು ತೆರವು ಮಾಡಬೇಕು. ಜಂಗಲ್ ಕಟಿಂಗ್, ರಸ್ತೆ ದುರಸ್ತಿ ಮಾಡಿಸಬೇಕು ಎಂಬ ಒತ್ತಾಯ ಕೇಳಿಬಂದಿದೆ.
