ವಾಹನಗಳ ಮಾಲಿನ್ಯ ಕಡಿಮೆಮಾಡುವ ದೃಷ್ಟಿಯಿಂದ ಏಪ್ರಿಲ್ ಒಳಗೆ ಎಲ್ಲ ರಿಫೈನರಿಗಳೂ ಬಿಎಸ್6ಗೆ ಪರಿವರ್ತಿತಗೊಳ್ಳಬೇಕು ಎಂದು ಕೇಂದ್ರ ಸರ್ಕಾರದ ಸೂಚನೆಯಿದ್ದು, ಎಂಆರ್ಪಿಎಲ್ ಈಗಾಗಲೇ ಪೂರ್ತಿಯಾಗಿ ಬಿಎಸ್6 ಗ್ರೇಡ್ ಇಂಧನವನ್ನೇ ಉತ್ಪಾದಿಸುತ್ತಿದೆ. ರಾಜ್ಯಾದ್ಯಂತ ಬಿಎಸ್6, ಬಿಎಸ್4 ಎರಡಕ್ಕೂ ಬೇಡಿಕೆ ಇದ್ದರೂ ನಾವು ಬಿಎಸ್ 6 ಮಾತ್ರವೇ ಪೂರೈಕೆ ಮಾಡುತ್ತಿದೇವೆ ಎಂದು ಅಧಿಕಾರಿಗಳು ತಿಳಿಸುತ್ತಾರೆ. ಎಂಆರ್ಪಿಎಲ್ನಲ್ಲಿ ಹಳೇ ಸ್ಥಾವರಗಳಲ್ಲೇ ಸದ್ಯ ಇರುವ ಹಳೆಯ ಯುನಿಟ್ನಲ್ಲಿಯೇ ಬಿಎಸ್6 ಇಂಧನ ತಯಾರಿಸಲಾಗುತ್ತಿರುವ ಕಾರಣ ಉತ್ಪಾದನಾ ವೆಚ್ಚ ಹೆಚ್ಚು. ಆದರೆ, ಬಿಎಸ್6 ಉತ್ಪಾದನೆಗಾಗಿಯೇ ಎಂಆರ್ಪಿಎಲ್ನಲ್ಲಿ ಹೊಸ ಯು ನಿಟ್ ಮಾಡಲಾಗುತ್ತಿದ್ದು, ಇದರ ಕಾಮಗಾರಿ ಪೂರ್ಣತೆಯ ಹಂತ ತಲಪಿದೆ, 1800 ಕೋಟಿ ರೂ.ಅಂದಾಜು ವೆಚ್ಚದ ಈ ಘಟಕಗಳು ಕಾರ್ಯಾರಂಭಗೊಂಡ ಬಳಿಕ ಖರ್ಚು ಇಳಿಮುಖವಾಗಲಿದೆ. ದೇಶದಲ್ಲಿ 2000ದಲ್ಲಿ ಬಿಎಸ್ ಮಾನದಂಡ ಜಾರಿಗೆ ಬಂದಿತ್ತು. 2003ರಲ್ಲಿ ರಾಷ್ಟ್ರೀಯ ವಾಹನ ಇಂಧನ ನೀತಿ ಜಾರಿಗೆ ಬಂತು. 2005ರಲ್ಲಿ ಬಿಎಸ್ 2, 2010ರಲ್ಲಿ ಬಿಎಸ್ 3 ಹಾಗೂ 2017ರ ಎಪ್ರಿಲ್ನಿಂದ ದೇಶದಲ್ಲಿ ಎಲ್ಲಾ ವಾಹನಗಳು ಬಿಎಸ್ 4 ಮಾನದಂಡವನ್ನು ಹೊಂದಿದೆ.
