ಟನಲ್ ಪ್ರಾಜೆಕ್ಟ್ಗೆ ವಿಸ್ತೃತ ಯೋಜನಾ ವರದಿ (ಡಿಪಿಆರ್) ಸಿದ್ಧಪಡಿಸಲು 12-18 ತಿಂಗಳು ಬೇಕಿದೆ. ಆದರೆ, ಕೇವಲ ಮೂರೇ ತಿಂಗಳಲ್ಲಿ 30 ಮೀ. ಆಳದಲ್ಲಿ ಟನಲ್ ರೂಪಿಸುವ ವರದಿ ತಯಾರಿಕೆಯ ಆತುರದಿಂದಾಗಿ ಗುಣಮಟ್ಟ ಹಾಗೂ ಕರಾರುವಕ್ಕಾದ ಯೋಜನಾ ರೂಪುರೇಶೆಗೆ ಒತ್ತು ನೀಡಿದಂತಿಲ್ಲ. ಪ್ರತಿ ಕಿ.ಮೀ. 20 ಕಡೆ ಮಣ್ಣು ಪರೀಕ್ಷೆ, ಸುರಕ್ಷತೆ, ಕಾರ್ಯಸಾಧ್ಯತೆ ಹಾಗೂ ಯೋಜನಾ ಸಕಾರ ಬಗ್ಗೆ ಅನುಮಾನ ಮೂಡಿಸಿದೆ. ಟನಲ್ ಬೋರಿಂಗ್ ಯಂತ್ರದ ಆಯ್ಕೆ, ನೆಲದಾಳದಲ್ಲಿ ಕಲ್ಲು, ಮಣ್ಣು ಹಾಗೂ ನೀರಿನ ಹರಿವಿನ ಬಗ್ಗೆ ನಿಖರತೆ ಇಲ್ಲದೆ ಕಾಮಗಾರಿ ಕೈಗೊಂಡಲ್ಲಿ ಟನಲ್ ಕುಸಿದುಬೀಳುವ ಅಪಾಯ ಇರುವುದರಿಂದ ಯೋಜನೆ ಬಗ್ಗೆ ಮತ್ತೊಮ್ಮೆ ಪರಾಮರ್ಶಿಸಬೇಕು ಎಂದು ಒತ್ತಾಯಿಸಿದ್ದಾರೆ.
