ಕೆಮ್ಮಿನಿಂದ ಮಂಗಗಳು ನಿತ್ರಾಣ, ಮಂಗನ ಕಾಯಿಲೆ ಭೀತಿಯಿಂದ ಗ್ರಾಮಸ್ಥರು

ಬೂದಿಕೋಟೆ: ಕೋಡಗುರ್ಕಿ ಗ್ರಾಮದಲ್ಲಿ ಸುಮಾರು 30 ಕೋತಿಗಳು ಅತಿಯಾದ ಕೆಮ್ಮಿನಿಂದ ನಿತ್ರಾಣಗೊಂಡಿದ್ದು, ಮಂಗನ ಕಾಯಿಲೆ ಭೀತಿಯಿಂದ ಗ್ರಾಮಸ್ಥರು ಆತಂಕಗೊಂಡಿದ್ದಾರೆ.

ಬಂಗಾರಪೇಟೆ ತಾಲೂಕು ಬೂದಿಕೋಟೆ ಹೋಬಳಿಯ ಗ್ರಾಮದಲ್ಲಿ ನೂರಕ್ಕೂ ಹೆಚ್ಚು ಕೋತಿಗಳು ಬೀಡುಬಿಟ್ಟಿದ್ದು. ವಾರದಿಂದ ಆಹಾರ ಹಾಗೂ ನೀರು ಸೇವಿಸದೆ ಮನೆಗಳು ಹಾಗೂ ಮರದ ಕೊಂಬೆಗಳ ಮೇಲೆ ಅಸ್ವಸ್ಥಗೊಂಡ ರೀತಿ ಮಲಗಿವೆ. ಇನ್ನೂ ಕೆಲವು ಮನೆಗಳ ಸುತ್ತ ಓಡಾಡುತ್ತಿದ್ದು, ಗ್ರಾಮಸ್ಥರು ಮಂಗನ ಕಾಯಿಲೆ ಭೀತಿಯಲ್ಲಿದ್ದಾರೆ. ಕೋತಿಗಳನ್ನು ಹಿಡಿದು ಪರೀಕ್ಷೆಗೆ ಒಳಪಡಿಸಬೇಕು ಎಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.

ಅಧಿಕಾರಿಗಳು ಭೇಟಿ: ಅರಣ್ಯ ಇಲಾಖೆ ಹಾಗೂ ಪಶು ಇಲಾಖೆ ಸಿಬ್ಬಂದಿ ಪರಿಶೀಲಿಸಿದ್ದಾರೆ. 5 ದಿನ ಆ್ಯಂಟಿ ಬಯೋಟಿಕ್ ಔಷಧ ನೀಡದರೆ ಸಾಮಾನ್ಯ ಸ್ಥಿತಿಗೆ ಮರಳುತ್ತವೆ ಎಂದು ಗ್ರಾಮಸ್ಥರಿಗೆ ಧೈರ್ಯ ತುಂಬಿದ್ದಾರೆ. ಎಲೆಸಂದ್ರ ಗ್ರಾಪಂ ಪಿಡಿಒ ವಸಂತ್‌ಕುಮಾರ್, ಅರಣ್ಯ ಇಲಾಖೆ ಆಧಿಕಾರಿ ವಿದ್ಯಾ ಮತ್ತಿತರರು ಇದ್ದರು.