2012ನೇ ಸಾಲಿನಿಂದ ದ್ವಿತೀಯ ದರ್ಜೆ ಸಹಾಯಕರಾಗಿರುವ ಸಂತೋಷ್ ಕುಮಾರ್ಗೆ 2019ನೇ ಸಾಲಿನ ನ.23ರಿಂದ ವಿದ್ಯಾರ್ಥಿವೇತನ ವಿಭಾಗ ನಿರ್ವಹಣೆಯ ಜವಾಬ್ದಾರಿ ವಹಿಸಲಾಗಿತ್ತು. ಆದರೆ, ಕಳೆದ ಏಪ್ರಿಲ್ನಿಂದ ಕಾಲೇಜಿಗೆ ಗೈರಾಗಿದ್ದು, ವಿದ್ಯಾರ್ಥಿ ವೇತನಕ್ಕೆ ಸಂಬಂಧಿಸಿದ ಚೆಕ್ ಬುಕ್ ಮತ್ತು ವಿದ್ಯಾರ್ಥಿ ವೇತನದ ಕಡತಗಳನ್ನು ಮುಖ್ಯಸ್ಥರಿಗೆ ಹಸ್ತಾಂತರಿಸಿರಲಿಲ್ಲ. ಬೆಂಗಳೂರಿನ ಥಣಿಸಂದ್ರ ಕೆನರಾ ಬ್ಯಾಂಕ್ ಶಾಖೆಯಲ್ಲಿ ವಿದ್ಯಾರ್ಥಿ ವೇತನದ ಹಣದ ಪೈಕಿ 68.65 ಲಕ್ಷ ರೂಪಾಯಿ ಸಂತೋಷ್ ಕುಮಾರ್ ಖಾತೆಗೆ ವರ್ಗಾವಣೆಯಾಗಿದೆ. ಈ ಬಗ್ಗೆ ಕಾಲೇಜು 2021 ಡಿಸೆಂಬರ್ನಲ್ಲಿ ಪ್ರಾಂಶುಪಾಲೆ ಶಾರದಾ ಶಿಕ್ಷಣ ಇಲಾಖೆಗೆ ಲಿಖಿತ ದೂರು ಸಹ ಸಲ್ಲಿಸಿದ್ದರು. ಈ ದೂರಿನ ಹಿನ್ನೆಲೆಯಲ್ಲಿ 2021 ಡಿಸೆಂಬರ್ 14ರಂದು ಕಾಲೇಜು ಶಿಕ್ಷಣ ಇಲಾಖೆಯ ಜಂಟಿ ನಿರ್ದೇಶಕ ಅಪ್ಪಾಜಿಗೌಡ, ವಿಶೇಷ ಅಧಿಕಾರಿ ಗೌರಿನಾಯ್ಡು ಅವರ ನೇತೃತ್ವದ ತಂಡ ಅವ್ಯವಹಾರದ ಬಗ್ಗೆ ತನಿಖೆ ನಡೆಸಿ ಪೊಲೀಸರಿಗೆ ದೂರು ನೀಡಿ ಪ್ರಕರಣ ದಾಖಲು ಮಾಡಲು ಸೂಚಿಸಿದ್ದರು ಎನ್ನಲಾಗಿದೆ.
