ರೇಣುಕಾಚಾರ್ಯ ದಂಪತಿ ಟೆಂಪಲ್ ರನ್ ; ಮಹಾಲಯ ಅಮಾವಾಸ್ಯೆ ಪ್ರಯಕ್ತ ಪೂಜೆ

ಕುಣಿಗಲ್/ನೊಣವಿನಕೆರೆ: ಸಿಎಂ ರಾಜಕೀಯ ಕಾರ್ಯದರ್ಶಿ ಎಂ.ಪಿ.ರೇಣುಕಾಚಾರ್ಯ ಪತ್ನಿ ಸಮೇತ ಬುಧವಾರ ಜಿಲ್ಲೆಯ ಪ್ರಮುಖ ದೇವಸ್ಥಾನ ಹಾಗೂ ಮಠಗಳಿಗೆ ಭೇಟಿ ನೀಡಿದರು.

ಮಹಾಲಯ ಅಮಾವಾಸ್ಯೆ ದಿನವಾದ ಬುಧವಾರ ಜಿಲ್ಲೆಯ ಎಡೆಯೂರು ಸಿದ್ದಲಿಂಗೇಶ್ವರ ಸ್ವಾಮಿ ದೇವಸ್ಥಾನಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದರು. ಬಳಿಕ ತಿಪಟೂರು ತಾಲೂಕು ಕಾಡಸಿದ್ದೇಶ್ವರ ಮಠಕ್ಕೆ ತೆರಳಿ ಗದ್ದುಗೆ ದರ್ಶನ ಪಡೆದು ಶ್ರೀ ಕರಿವೃಷಭದೇಶೀಕೇಂದ್ರ ಶಿವಯೋಗೀಶ್ವರ ಸ್ವಾಮೀಜಿ ಆಶೀರ್ವಾದ ಪಡೆದರು. ಪತ್ನಿ ಸುಮಾ ಅವರು ಜತೆಯಲ್ಲಿದ್ದರು.

ಸಂಜೆ ಸಿದ್ಧಗಂಗೆಗೆ ಭೇಟಿ: ರಾತ್ರಿ 8.30ಕ್ಕೆ ಸಿದ್ಧಗಂಗಾ ಮಠಕ್ಕೆ ರೇಣುಕಾಚಾರ್ಯ ಭೇಟಿ ನೀಡಿ ಶಿವಕುಮಾರ ಶ್ರೀಗಳ ಗದ್ದುಗೆಗೆ ವಿಶೇಷ ಪೂಜೆ ಸಲ್ಲಿಸಿದರು. ಮಠಾಧ್ಯಕ್ಷ ಸಿದ್ದಲಿಂಗ ಶ್ರೀಗಳ ಆಶೀರ್ವಾದ ಪಡೆದರು. ಬಿಜೆಪಿ ಜಿಲ್ಲಾ ಉಪಾಧ್ಯಕ್ಷ ಟಿ.ಆರ್.ಸದಾಶಿವಯ್ಯ, ಸಿದ್ದಲಿಂಗೇಶ್ವರ ದೇವಸ್ಥಾನದ ಇಂಜಿನಿಯರ್ ರೇಣುಕಾ ಪ್ರಸಾದ್, ಶರಣ್ ಇದ್ದರು.