ಮಾ.10ರಂದು ನಗರದಲ್ಲಿ ಗ್ಯಾರಂಟಿ ಸಮಾವೇಶ ಆಯೋಜಿಸಲಾಗಿದೆ. ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿ.ಕೆ.ಶಿವಕುಮಾರ್ ಭಾಗವಹಿಸಲಿದ್ದು, ಅಂದು 33 ಕೋಟಿ ರೂ ವೆಚ್ಚದ ವಿವಿಧ ಕಾಮಗಾರಿಗಳಿಗೆ ಶಂಕುಸ್ಥಾಪನೆ ನೆರವೇರಿಸಲಿದ್ದಾರೆ ಎಂದ ಅವರು, ಮೈಷುಗರ್ ಹೊಸ ಕಾರ್ಖಾನೆ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಸುತ್ತಮುತ್ತಲಿರುವ ಭೂಮಿ ಅಡವಿಟ್ಟು ರಿಯಲ್ ಎಸ್ಟೇಟ್ ವ್ಯವಹಾರದವರಿಗೆ ಅನುಕೂಲ ಮಾಡಿಕೊಡುವಂತಿದೆ ಎಂಬ ಆರೋಪ ಸಂಪೂರ್ಣ ಸುಳ್ಳು. ಈ ಹಿಂದೆ ಅಸಿಟೇಟ್ ಫ್ಯಾಕ್ಟರಿ ಜಾಗವನ್ನು ರಿಯಲ್ ಎಸ್ಟೇಟ್ ಅವರಿಗೆ ನೀಡುವಾಗ ನಾನು ಎಂಎಲ್ಎ ಆಗಿರಲಿಲ್ಲ. ನಾನು ಶಾಸಕನಾಗಿರುವುದು ಸೇವೆ ಮಾಡಲು ಹೊರತು ರಿಯಲ್ ಎಸ್ಟೇಟ್ ಮಾಡಲು ಅಲ್ಲ. ನನಗೆ ಅದರ ಅಗತ್ಯವೂ ಇಲ್ಲ. ಮಂಡ್ಯದಲ್ಲಿ ಸಣ್ಣದೊಂದು ವ್ಯಾಪಾರವನ್ನು ನಾನು ಮಾಡುವುದಿಲ್ಲ. ಹೊಸ ಕಾರ್ಖಾನೆ ನಿರ್ಮಾಣವಾಗುವರೆಗೂ ಈ ಹಿಂದಿನಂತೆ ಕಾರ್ಖಾನೆ ನಡೆಯಲಿದೆ ಎಂದರು.
