ಘಟಕ ಆರಂಭಿಸಿದರೆ ಸತ್ಯಾಗ್ರಹ: 2015 ಟೆರ್ರಾ ಫಾರಂ ಕಸ ವಿಲೇವಾರಿ ಘಟಕ ಮುಚ್ಚಲಾಗಿತ್ತು. ಇದೀಗ ಇದೇ ಘಟಕ ಪುನರಾರಂಭಿಸುವ ಕುರಿತಾಗಿ ಪ್ರಸ್ತಾವನೆ ಇದೆ. ಹೈಕೊರ್ಟ್ ತೀರ್ಪಿನಂತೆ ಹಾಗೂ ಕಳೆದ ಬಾರಿ ತಾವೇ ಮುಚ್ಚಿಸಿದ ಟೆರ್ರಾಫಾರ್ಮಾ ಕಸದ ಘಟಕ ಯಾವುದೇ ಕಾರಣಕ್ಕೂ ಪುನರಾರಂಭ ಮಾಡಬಾರದು. ಒಂದು ವೇಳೆ ಘಟಕ ಪುನರಾರಂಭ ಮಾಡಿದಲ್ಲಿ ಉಪವಾಸ ಸತ್ಯಾಗ್ರಹ ಮಾಡುತ್ತೇನೆ ಎಂದು ಎಚ್ಚರಿಕೆ ನೀಡಿದ್ದಾರೆ. ದೇವನಹಳ್ಳಿ ಕ್ಷೇತ್ರಕ್ಕೆ 2500 ಮನೆಗಳ ಮಂಜೂರಾತಿ ನೀಡಿರುವ ಸರ್ಕಾರ ದೊಡ್ಡಬಳ್ಳಾಪುರಕ್ಕೆ ಖಾಲಿ ಕೈ ತೋರಿಸಿದೆ. 2004 ರಿಂದ ಆಗಿರುವ ಲೋಪ ಸರಿಪಡಿಸಿ ವಸತಿ ಹೀನರಿಗೆ ಕೂಡಲೇ ವಸತಿ ಭಾಗ್ಯ ಕಲ್ಪಿಸಿಬೇಕು ಎಂಬುದು ಮನವಿ ಪತ್ರದಲ್ಲಿನ ಅಗ್ರ ಬೇಡಿಕೆಯಾಗಿದೆ. ಭೌಗೋಳಿಕವಾಗಿ, ಜಿಲ್ಲೆಯ ಕೇಂದ್ರ ಪ್ರದೇಶದಲ್ಲಿರುವ ಹಾಗೂ ಹೆಚ್ಚಿನ ಜನಸಂಖ್ಯೆ ಹೊಂದಿರುವ ದೊಡ್ಡಬಳ್ಳಾಪುರವನ್ನು ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಜಿಲ್ಲಾ ಕೇಂದ್ರವನ್ನಾಗಿ ಘೋಷಿಸಲು ಮುಂದಿನ ಸಂಪುಟದಲ್ಲಿ ಸೂಕ್ತ ನಿರ್ಣಯ ಕೈಗೊಳ್ಳಬೇಕೆಂದು ಕೋರಿದ್ದಾರೆ.
