ಲೋಕೋಪಯೋಗಿ ಇಲಾಖೆಯು ಮಳಿಗೆಗಳನ್ನು ನಿರ್ಮಿಸಿ ಮಹಾನಗರ ಪಾಲಿಕೆಗೆ ಹಸ್ತಾಂತರಿಸಿದೆ. ಅಲ್ಲದೆ, ಎಲ್ಲ ಪ್ರಕ್ರಿಯೇಗಳಲ್ಲಿ ಲೋಕೋಪಯೋಗಿ ಇಲಾಖೆ ಇಂಜಿನಿಯರ್ಗಳು, ಅಧಿಕಾರಿಗಳು ಭಾಗವಹಿಸಿದ್ದಾರೆ. ಇದೀಗ ಅದೇ ಇಲಾಖೆ ಇಂಜಿನಿಯರ್ಗಳು ತನಿಖೆ ನಡೆಸುತ್ತಿರುವ ಉದ್ದೇಶ ಏನೂ ಎಂಬುದು ಗೊತ್ತಾಗುತ್ತಿಲ್ಲ. ಜನರಿಂದ ನೇರವಾಗಿ ಆಯ್ಕೆಗೊಂಡಿರುವ ಸದಸ್ಯರ ಸದಸ್ಯತ್ವ ರದ್ದುಗೊಳಿಸುವ ಅಧಿಕಾರ ಪ್ರಾದೇಶಿಕ ಆಯುಕ್ತರಿಗೆ ಇಲ್ಲ. ಸರ್ಕಾರದ ಇಂತಹ ನಿರ್ಣಯಗಳಿಗೆ ಬಿಜೆಪಿ ಹೆದರುವ ಮಾತೆಯೇ ಇಲ್ಲ. ಪ್ರಾದೇಶಿಕ ಆಯುಕ್ತರಿಗೆ ತಕ್ಕ ಪಾಠ ಕಲಿಸುತ್ತೇವೆ. ಮುಂಬರುವ ಯಾವುದೇ ಅಧಿಕಾರಿಗಳು ಇಂತಹ ಕೆಲಸಕ್ಕೆ ಕೈಹಾಕಬಾರದು ಎಂದು ಆಕ್ರೋಶ ವ್ಯಕ್ತಪಡಿಸಿದರು.
