ಗ್ರಾಪಂ ಅನುದಾನ ದುರ್ಬಳಕೆ

ಅಥಣಿ ಗ್ರಾಮೀಣ: ಅಥಣಿ ತಾಲೂಕಿನ ಜಂಬಗಿ ಗ್ರಾಮ ಪಂಚಾಯಿತಿಯಲ್ಲಿ 15ನೇ ಹಣಕಾಸು ಯೋಜನೆ ಅನುದಾನ ದುರ್ಬಳಕೆಯಾಗಿರುವ ಹಿನ್ನೆಲೆಯಲ್ಲಿ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ವಿರುದ್ಧ ಕ್ರಮ ಕೈಗೊಳ್ಳುವಂತೆ ತಾಪಂ ಇಒ ಶಿವಾನಂದ ಕಲ್ಲಾಪುರ ಶಿಾರಸು ಮಾಡಿದ್ದಾರೆ.

ತಾಲೂಕಿನ ಜಂಬಗಿ ಗ್ರಾಪಂನಲ್ಲಿ 2022&23ನೇ ಸಾಲಿನ 14 ಮತ್ತು 15ನೇ ಹಣಕಾಸು ಯೋಜನೆ ಅನುದಾನ ದುರ್ಬಳಕೆ ಮಾಡಲಾಗಿದೆ ಎಂದು ರಡ್ಡೇರಹಟ್ಟಿ ಗ್ರಾಮದ ಅವಿನಾಶ ಗುಂಡು ಬೆಳ್ಳಂಕಿ ನೀಡಿದ ದೂರಿನನ್ವಯ ಅಥಣಿ ತಾಪಂ ಕಾರ್ಯನಿರ್ವಾಹಕ ಅಧಿಕಾರಿ ಶಿವಾನಂದ ಕಲ್ಲಾಪುರ ಜಂಬಗಿ ಗ್ರಾಪಂ ಕಾರ್ಯಲಯಕ್ಕೆ ಜೂನ್​ 30ರಂದು ಭೇಟಿ ನೀಡಿ, ದಾಖಲೆಗಳನ್ನು ಪರಿಶೀಲಿಸಿದಾಗ ಪಂಪ್​, ಮೋಟಾರ್​ ದುರಸ್ತಿಗೆ ಒಬ್ಬನ ಹೆಸರಲ್ಲಿ ಮೋಟಾರ್​ ವೈಂಡಿಂಗ್​ ಮತ್ತು ರೀಪೇರಿಗಾಗಿ 5,33,273 ರೂ. ಪಾವತಿಸಿರುವುದು ಪತ್ತೆಯಾಗಿದೆ.

ಅನುದಾನ ಬಳಕೆ ಮಾಡಿಕೊಂಡಿರುವ ಕುರಿತು ಕಿರಿಯ ಅಭಿಯಂತರಿಂದ ಅಂದಾಜು ಪತ್ರಿಕೆ ತಯಾರಿಸಿಲ್ಲ. ಅಳತೆ ಪುಸ್ತಕದಲ್ಲಿ ದಾಖಲು ಬರೆಸಿಲ್ಲ. ಗ್ರಾಪಂ ವ್ಯಾಪ್ತಿಯಲ್ಲಿ ಅಳವಡಿಸಲಾದ ಪೈಪ್​ಗಳ ಲಾಗಬುಕ್​ ನಿರ್ವಹಿಸಿಲ್ಲ. 9 ಕಾಮಗಾರಿಗಳಿಗೆ ಸಂಬಂಧಿಸಿದ ದರಪಟ್ಟಿ ಕರೆಯದೇ ಸಾಮಗ್ರಿಗಳನ್ನು ಖರೀದಿಸಲಾಸಲಾಗಿದೆ. ಈ ಎಲ್ಲ ತಪು$್ಪಗಳ ಹಿನ್ನೆಲೆಯಲ್ಲಿ ಪಿಡಿಒ ಎಸ್​.ಎಂ.ರಾಠೋಡ ವಿರುದ್ಧ ಕ್ರಮಕ್ಕೆ ಶಿಾರಸು ಮಾಡಲಾಗಿದೆ.