ಮಧ್ಯಾಹ್ನ ಆಡಲು ಹೋಗಿದ್ದ ಶ್ರೇಯಸ್ ರಾತ್ರಿಯಾದರೂ ಮನೆಗೆ ಬಾರದೆ ಇದ್ದಾಗ ತಂದೆ ಉದಯ ಕುಮಾರ್ ಮಗನ ಬಗ್ಗೆ ಸ್ನೇಹಿತರ ಬಳಿ ವಿಚಾರಿಸಿದ್ದಾರೆ. ಆದರೆ ಈ ವೇಳೆ ಸಂಜಯ್ ಮಾಹಿತಿ ನೀಡಿರಲಿಲ್ಲ. ಸ್ಥಳೀಯರೊಬ್ಬರು ರಾತ್ರಿ 9.30ರ ವೇಳೆಗೆ ಉಗ್ಗೇಲ್ಬೆಟ್ಟು ಮಡಿಸಾಲು ಹೊಳೆಯಲ್ಲಿರುವ ರೈಲ್ವೇ ಬ್ರಿಜ್ನ ಪಿಲ್ಲರ್ ಪುಟ್ಟಿಂಗ್ ಮೇಲೆ ಒಂದು ಬ್ಯಾಗ್, 2 ಜತೆ ಚಪ್ಪಲಿ, ಮೊಬೈಲ್ ರಿಂಗಾಗುತ್ತಿರುವ ಬಗ್ಗೆ ಮಾಹಿತಿ ನೀಡಿದ್ದರು. ಈ ಬಗ್ಗೆ ಸಂಜಯ್ರಾಜ್ ನಲ್ಲಿ ಕೂಲಂಕಷವಾಗಿ ಕೇಳಿದಾಗ ಸತ್ಯ ವಿಚಾರ ತಿಳಿಸಿದ್ದು, ಅದರಂತೆ ತಕ್ಷಣ ಕಾರ್ಯಪ್ರವೃತ್ತರಾದ ಪೊಲೀಸರು ಈಜುಪಟುಗಳನ್ನು ಕರೆಸಿ ಸ್ವರ್ಣಾ ನದಿಯಲ್ಲಿ ಹುಡುಕಾಟ ಆರಂಭಿಸಿದ್ದರು. ಆದರೆ ನಾಪತ್ತೆಯಾದವರು ಪತ್ತೆಯಾಗಿರಲಿಲ್ಲ. ಬುಧವಾರ ಬೆಳಗ್ಗೆ ಇಬ್ಬರ ಮೃತದೇಹ ನದಿಯಲ್ಲಿ ಕಂಡುಬಂದಿದೆ. ಈ ಬಗ್ಗೆ ಬ್ರಹ್ಮಾವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
