ಔಷಧ ಖರೀದಿಸಲು ತೆರಳಿದ್ದಾಕೆ ನಾಪತ್ತೆ

ಕಾಸರಗೋಡು: ಬದಿಯಡ್ಕ ಪೊಲೀಸ್ ಠಾಣೆ ವ್ಯಾಪ್ತಿಯ ನಾರಂಪಾಡಿ ನಿವಾಸಿ ಲೀಲಾವತಿ(60) ನಾಪತ್ತೆಯಾಗಿರುವ ಬಗ್ಗೆ ಪೊಲೀಸರು ಕೇಸು ದಾಖಲಿಸಿಕೊಂಡಿದ್ದಾರೆ. ಔಷಧ ಖರೀದಿಗಾಗಿ ಬದಿಯಡ್ಕಕ್ಕೆ ತೆರಳುವುದಾಗಿ ಮನೆಯಿಂದ ಹೊರಟವರು ವಾಪಸಾಗಿಲ್ಲ ಎಂದು ಪುತ್ರ ನೀಡಿದ ದೂರಿನನ್ವಯ ಕೇಸು ದಾಖಲಾಗಿದೆ.

ಈ ಮಧ್ಯೆ ಬದಿಯಡ್ಕ ತಲುಪಿದ್ದ ಲೀಲಾವತಿ ಆಟೋರಿಕ್ಷಾ ಒಂದರಲ್ಲಿ ಕುಂಬಳೆಗೆ ತೆರಳಿದ್ದಾರೆ. ಕಣಿಪುರ ಶ್ರೀ ಗೋಪಾಲಕೃಷ್ಣ ದೇವಸ್ಥಾನದ ಸನಿಹ ರಿಕ್ಷಾದಿಂದ ಇಳಿದಿದ್ದು, ನಂತರ ಈ ರಿಕ್ಷಾ ಬೇರೊಂದು ಬಾಡಿಗೆಗೆ ಮಂಜೇಶ್ವರಕ್ಕೆ ತೆರಳಿದೆ. ಅಲ್ಲಿಂದ ವಾಪಸಾಗುವ ಮಧ್ಯೆ ಮಹಿಳೆ ಕುಂಬಳೆ ಸೇತುವೆ ಸನಿಹ ನಡೆದುಹೋಗುತ್ತಿರುವುದನ್ನು ಕಂಡಿರುವುದಾಗಿ ಆಟೋ ಚಾಲಕ ತಿಳಿಸಿದ್ದರು. ಕೆಲವು ದಿನಗಳ ಹಿಂದೆ ಅಪಘಾತವೊಂದರಲ್ಲಿ ಕಾಲಿಗೆ ಉಂಟಾದ ಗಾಯದಿಂದ ಇವರು ಕುಂಟುತ್ತಾ ನಡೆಯುತ್ತಿದ್ದರೆನ್ನಲಾಗಿದೆ.

https://www.vijayavani.net/parkinga-problem-at-southadka

https://www.vijayavani.net/wine-shop-bund