ಸಹಕಾರ ಸಂಘಗಳು ಹಾಗೂ ಸಹಕಾರ ಬ್ಯಾಂಕ್ಗಳು ರೈತರು ಹಾಗೂ ಅರ್ಹ ಫಲಾನುಭವಿಗಳನ್ನು ಗುರುತಿಸಿ ಸಾಲ ಸೌಲಭ್ಯ ನೀಡಬೇಕು. ವಿಶೇಷವಾಗಿ ಪರಿಶಿಷ್ಟ ಜಾತಿ ಹಾಗೂ ಪರಿಶಿಷ್ಟ ಪಂಗಡದ ಅಭ್ಯರ್ಥಿಗಳು ಸಾಲ ಸೌಲಭ್ಯದಿಂದ ವಂಚಿತರಾಗಬಾರದು. ಹಾಗಾಗಿ ವಾಣಿಜ್ಯ ಬ್ಯಾಂಕ್ಗಳಲ್ಲಿ ಸಾಲ ಪಡೆದಿರುವ ಮಾಹಿತಿಯನ್ನು ಸಹ ಪಡೆದುಕೊಳ್ಳಬೇಕು. ವಾಣಿಜ್ಯ ಬ್ಯಾಂಕ್ಗಳಲ್ಲಿ ಸಾಲ ಸೌಲಭ್ಯ ಪಡೆಯದೆ ಇದ್ದರೆ ಅಂತಹವರಿಗೆ ಸಾಲ ನೀಡಲು ಕ್ರಮ ವಹಿಸಬೇಕು ಎಂದು ಸಚಿವ ಕೆ.ಎನ್. ರಾಜಣ್ಣ ನಿರ್ದೇಶನ ನೀಡಿದರು.
ಸಹಕಾರ ಇಲಾಖೆ ನಿಬಂಧಕ ಕ್ಯಾಪ್ಟನ್ ರಾಜೇಂದ್ರ, ಅಪರ ನಿಬಂಧಕರಾದ ಲಿಂಗರಾಜು, ಆಶಾ, ಪ್ರಕಾಶ್ ರಾವ್, ಜಂಟಿ ನಿರ್ದೇಶಕ ಡಾ.ಜಿ. ಉಮೇಶ್ ಹಾಗೂ ಇತರರು ಇದ್ದರು.
