ಕಾರ್ಖಾನೆ ಪ್ರಾರಂಭವಾಗಿ ಇಂದಿಗೆ 15 ದಿನವಾಗಿದೆ. 30 ಸಾವಿರ ಟನ್ ಕಬ್ಬು ಅರೆಯಲಾಗಿದ್ದು, ಶೇ.6ರಷ್ಟು ಇಳುವರಿ ಬರುತ್ತಿದೆ. ಬೇರೆ ಖಾಸಗಿ ಕಾರ್ಖಾನೆಗಳಲ್ಲಿ ಶೇ.7ರಷ್ಟು ಇಳುವರಿ ಬರುತ್ತಿದೆ. ಮುಂದಿನ ದಿನಗಳಲ್ಲಿ ಮೈಷುಗರ್ನಲ್ಲಿ ಇನ್ನಷ್ಟು ಸುಧಾರಣೆ ಕಾಣುತ್ತದೆ. ಇದರಲ್ಲಿ ಯಾವುದೇ ಸಂಶಯವೂ ಇಲ್ಲ. ಉತ್ತಮ ಗುಣಮಟ್ಟದ ಸಕ್ಕರೆ ಅಂದರೆ ಎಸ್.30, ಎಂ.30 ಬರುತ್ತಿದ್ದು, ಒಳ್ಳೆಯ ದರವೂ ಸಿಗಲಿದೆ. ಮುಂದಿನ ದಿನಗಳಲ್ಲಿ ಎಲ್ಲವೂ ಸರಿಯಾಗಲಿದೆ. ಮೈಷುಗರ್ ರೈತರಿಗೆ ಭಾವನಾತ್ಮಕ ವಿಷಯ. ಆದ್ದರಿಂದ ಕಾರ್ಕಾನೆ ನಿಲ್ಲಿಸಿದ್ದಾರೆ, ಸರಿಯಾಗಿ ನಡೆಯುತ್ತಿಲ್ಲ ಎಂಬ ಗೊಂದಲ ಸೃಷ್ಟಿಸುವುದು ಸರಿಯಲ್ಲ. ಇನ್ನಾದರೂ ಈ ಕಾರ್ಖಾನೆ ಬಗ್ಗೆ ಒಳ್ಳೆಯ ಭಾವನೆಯನ್ನು ಬೆಳೆಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.
