ಸಚಿವ ಅಮಿತ್​ ವಜಾಕ್ಕೆ ಆಗ್ರಹ

ಸವದತ್ತಿ: ಡಾ.ಬಿ.ಆರ್​.ಅಂಬೇಡ್ಕರ್​ ಅವರ ಕುರಿತಾದ ಕೇಂದ್ರ ಗೃಹ ಸಚಿವ ಅಮಿತ್​ ಷಾ ಹೇಳಿಕೆ ಖಂಡಿಸಿ ದಲಿತ ಸಂಟನೆ ವತಿಯಿಂದ ನಗರದ ಎಪಿಎಂಸಿ ವೃತ್ತದಲ್ಲಿ ಮಾನವ ಸರಪಳಿ ರಚಿಸಿ ಪ್ರತಿಭಟನೆ ನಡೆಸಿ ತಹಸೀಲ್ದಾರ್​ ಎಂ.ಎನ್​.ಹೆಗ್ಗನ್ನವರ ಅವರಿಗೆ ಸೋಮವಾರ ಮನವಿ ಸಲ್ಲಿಸಲಾಯಿತು. ವೃತ್ತದಲ್ಲಿ ಟಯರ್​ಗೆ ಬೆಂಕಿ ಹಚ್ಚಿ, ಅಮಿತ್​ ಷಾ ಅವರ ಪ್ರತಿಕೃತಿ ದಹಿಸುವ ಮೂಲಕ ಪ್ರತಿಭಟನಾನಿರತರು ಆಕ್ರೋಶ ವ್ಯಕ್ತಪಡಿಸಿದರು.

ಶಾಸಕ ವಿಶ್ವಾಸ ವೈದ್ಯ ಮಾತನಾಡಿ, ಸರ್ವ ಜನಾಂಗದವರು ಸಮಾನತೆ ಹಾಗೂ ಸಹಬಾಳ್ವೆಯಿಂದ ಜೀವನ ನಡೆಸಲೆಂಬ ಸದುದ್ದೇಶದಿಂದ ಅಂಬೇಡ್ಕರ್​ ಸಂವಿಧಾನದ ಮೂಲಕ ಮಾದರಿ ವ್ಯವಸ್ಥೆ ಕಲ್ಪಿಸಿದ್ದಾರೆ. ಆದರೆ, ಸಂಸತ್ತಿನಲ್ಲಿ ಅಂಬೇಡ್ಕರ್​ ಅವರ ಕುರಿತಾದ ಕೇಂದ್ರ ಗೃಹ ಅಮಿತ್​ ಷಾ ಅವರ ಹೇಳಿಕೆ ಖಂಡನೀಯ. ಅವರು ಕೇವಲ ಅಂಬೇಡ್ಕರ್​ ಅವರನ್ನು ಮಾತ್ರ ಅವಮಾನಿಸಿಲ್ಲ. ಎಲ್ಲ ಭಾರತೀಯರನ್ನು ಅವಮಾನಿಸಿದ್ದಾರೆ.ಅಂಬೇಡ್ಕರ್​ ಅವಮಾನಿಸಿದ ಅಮಿತ್​ ಷಾ ಅವರನ್ನು ಕೂಡಲೇ ಸಚಿವ ಸ್ಥಾನದಿಂದ ವಜಾಗೊಳಿಸಿ, ದೇಶದಿಂದ ಗಡಿಪಾರು ಮಾಡಬೇಕೆಂದು ಆಗ್ರಹಿಸಿದರು. ಮುಖಂಡ ಯಲ್ಲಪ್ಪ ಗೊರವನಕೊಳ್ಳ ಮಾತನಾಡಿ, ಅಂಬೇಡ್ಕರ್​ ಅವರು ಸಂವಿಧಾನ ರಚಿಸದಿದ್ದರೆ ಅಮಿತ್​ ಷಾ ಕೇಂದ್ರದ ಗೃಹ ಸಚಿವರಾಗುತ್ತಿರಲಿಲ್ಲ. ಪಾತೀತವಾಗಿ ಎಲ್ಲರೂ ಅಮಿತ್​ ಷಾ ನಡೆ ವಿರೋಧಿಸಬೇಕಿದೆ ಎಂದರು.

ಎಪಿಎಂಸಿ ವೃತ್ತದಿಂದ ನಗರದ ಪ್ರಮುಖ ರಸ್ತೆಗಳ ಮೂಲಕ ತಾಲೂಕು ಆಡಳಿತ ಸೌಧದವರೆಗೆ ಪ್ರತಿಭಟನಾ ಮೆರವಣಿಗೆ ನಡೆಸಿ, ತಹಸೀಲ್ದಾರ್​ಗೆ ಮನವಿ ಸಲ್ಲಿಸಲಾಯಿತು. ಎಲ್​.ಎಸ್​.ನಾಯಕ, ಬಸವರಾಜ ತಳವಾರ, ರವಿ ದೊಡ್ಡಮನಿ, ರುದ್ರಪ್ಪ ಚಲವಾದಿ, ಎಂ.ಎನ್​.ಮುತ್ತಿನ, ಶಿವು ಅಮಾತೆನ್ನವರ, ಬಾಪು ಚೂರಿಖಾನ, ಮಂಜುನಾಥ ಪಾಚಂಗಿ, ಮೌಲಾಸಾಬ ತಬ್ಬಲಜಿ, ಬಸವರಾಜ ಅರಮನಿ, ಮಹೇಶ ಬೆಲೀಪ್​, ವೈ. ಸಿ.ಕಲ್ಲಮ್ಮನವರ, ರಾವೇಂದ್ರ ಪೂಜೇರ, ಮಹಾದೇವ ಕಿಚಡಿ, ಜಗದೀಶ ಶಿರಸಂಗಿ, ಮಹಾದೇವ ಬಡ್ಲಿ, ಪ್ರಕಾಶ ಮುಳ್ಳೂರ, ಮಾರುತಿ ಹಿರೇಕೆಂಚನ್ನನವರ, ರಾಜು ಭಾವಾಖಾನ ಇತರರಿದ್ದರು.