ಆಂಧ್ರ ಗಡಿಯಲ್ಲಿ ವಿಠಲಾಪುರ ಬಳಿ 19 ಹೆಕ್ಟೇರ್ ಪ್ರದೇಶ ಹೊಂದಿರುವ ಹಿಂದ್ ಟ್ರೇಡರ್ಸ್ ಗಣಿ ಕಂಪನಿಯಲ್ಲಿ ಸಚಿವ ಈಶ್ವರಪ್ಪ ಸಂಬಂಧಿಕರಾದ ಬಂಗಾರು ಸೋಮಶೇಖರ, ಕೆ.ಎಸ್.ಶೈಲಾ ಹಾಗೂ ಆಪ್ತ ಪುಟ್ಟಸ್ವಾಮಿಗೌಡ ಶೇ.55 ಪಾಲುದಾರಿಕೆ ಪಡೆದಿದ್ದಾರೆ. ಆಂಧ್ರ ಪ್ರದೇಶದೊಂದಿಗಿನ ಗಡಿ ವಿವಾದದಿಂದ ಹಿಂದ್ ಟ್ರೇಡರ್ಸ್ ಗಣಿಗೆ ಸಂಬಂಧಿಸಿದ ಚಟುವಟಿಕೆಗಳು ಸ್ಥಗಿತಗೊಂಡಿವೆ. ಗಣಿಗಾರಿಕೆ ಮರು ಆರಂಭಕ್ಕೂ ಮುನ್ನ ಗಡಿ ವಿವಾದ ಇತ್ಯರ್ಥಗೊಳಿಸುವುದಕ್ಕಾಗಿ ಕೇಂದ್ರ ಗೃಹ ಇಲಾಖೆಯ ಮೊರೆ ಹೋಗಿದ್ದಾರೆ. ಸಚಿವ ಈಶ್ವರಪ್ಪ ಪ್ರಭಾವದಿಂದ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳ ಮೇಲೆ ಒತ್ತಡ ಹೇರಲಾಗುತ್ತಿದೆ ಎಂದು ಶನಿವಾರ ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಆರೋಪಿಸಿದರು.
