ಸಾಮಾಜಿಕ ಜಾಲತಾಣ, ವಾಟ್ಸ್​ಆ್ಪಪ್​ನಲ್ಲಿ ಮಿಣಿ ಮಿಣಿ ಪೌಡರ್ ಭಾರಿ ಸೌಂಡ್

ಬೆಂಗಳೂರು: ಮೂರ್ನಾಲ್ಕು ದಿನಗಳಿಂದ ಮಿಣಿ ಮಿಣಿ ಪೌಡರ್ ಹೆಚ್ಚು ಸದ್ದು ಮಾಡುತ್ತಿದೆ. ಸಾಮಾಜಿಕ ಜಾಲತಾಣ, ವಾಟ್ಸ್ ಆಪ್​ನಲ್ಲಿ ಮಿಣಿ ಮಿಣಿ ಜೋಕ್ಸ್ ಹರಿದಾಡಿ ಜನಸಾಮಾನ್ಯರನ್ನು ರಂಜಿಸಿದೆ. ಮಂಗಳೂರು ಬಾಂಬ್ ಪ್ರಕರಣ ಸಂಬಂಧ ಮಾಧ್ಯಮಗಳನ್ನುದ್ದೇಶಿಸಿ ಮಾತನಾಡಿದ್ದ ಮಾಜಿ ಸಿಎಂ ಎಚ್.ಡಿ.ಕುಮಾರಸ್ವಾಮಿ, ‘ಬಾಂಬ್​ನಲ್ಲಿ ಅದೆಂಥದ್ದೋ ಮಿಣಿ ಮಿಣಿ ಪೌಡರ್’ ಬಳಸಲಾಗಿತ್ತು ಎಂದಿದ್ದರು.

ಈ ಪದಗಳನ್ನಿಷ್ಟುಕೊಂಡು ರಂಗುರಂಗಿನ ಹಾಸ್ಯ ಚಟಾಕಿ ಸೃಷ್ಟಿಯಾಗಿದ್ದು, ಕುಮಾರಸ್ವಾಮಿ ಅವರನ್ನು ಟ್ರೋಲ್ ಮಾಡಲಾಗಿದೆ. ಚಲನಚಿತ್ರದ ವಿಡಿಯೋ ತುಣುಕುಗಳನ್ನು ಹೊಸೆದೂ ಎಚ್​ಡಿಕೆ ಅವರನ್ನು ಹಾಸ್ಯದ ವಸ್ತುವಾಗಿ ಮಾಡಲಾಗಿದೆ. ನ್ಯೂಜಿಲೆಂಡ್​ನಲ್ಲಿ ನಡೆದ ಭಾರತ-ನ್ಯೂಜಿಲೆಂಡ್ ಕ್ರಿಕೆಟ್ ಪಂದ್ಯದಲ್ಲೂ ಮಿಣಿ ಮಿಣಿ ಪೌಡರ್ ಎಂಬ ಪೋಸ್ಟರ್ ಕಾಣಿಸಿದೆ. ಕ್ರಿಕೆಟ್ ಅಭಿಮಾನಿಯೊಬ್ಬ ಮಿಣಿ ಮಿಣಿ ಪೌಡರ್ ಎಂದು ಉದ್ಘರಿಸುತ್ತಾ ಪೋಸ್ಟರ್ ಹಿಡಿದ ವಿಡಿಯೋ ವೈರಲ್ ಆಗಿದೆ.