ಉಡುಪಿ: ಅಭಿವೃದ್ಧಿ ನೆಪದಲ್ಲಿ ಅಪಾರ ಪ್ರಮಾಣದಲ್ಲಿ ಜೀವವೈವಿಧ್ಯವನ್ನು ನಮಗರಿವಿಲ್ಲದಂತೆಯೇ ನಾಶ ಮಾಡುತ್ತಿದ್ದೇವೆ. ಅನೇಕ ಕಾರಣಗಳಿಗಾಗಿ ಜಲಮೂಲಗಳಾದ ಕೆರೆ&ತೊರೆ, ಗಿಡ&ಮರಗಳು ಬಲಿಯಾಗುತ್ತಿದ್ದು ಭೂಮಿ ಅನಾರೋಗ್ಯಕ್ಕೆ ತುತ್ತಾಗುತ್ತಿದೆ. ಇದರಿಂದ ಮಾನವ ಸಹಿತ ಸಕಲ ಜೀವರಾಶಿಗಳಿಗೆ ಆಪತ್ತು ಎದುರಾಗುತ್ತಿದೆ ಎಂದು ಬೆಂಗಳೂರಿನ ಇಂಡಿಯನ್ ಇನ್ಸ್ಟಿಟ್ಯೂಟ್ ಆ್ ಸೈನ್ಸ್ನ ಕುಮಟಾ ಶಾಖೆಯ ಸಲಹಾ ವಿಜ್ಞಾನಿ ಡಾ.ಎಂ.ಡಿ.ಸುಭಾಶ್ ಚಂದ್ರನ್ ಅಭಿಪ್ರಾಯಪಟ್ಟರು.
ಉಡುಪಿ ಎಂಜಿಎಂ ಕಾಲೇಜಿನಲ್ಲಿ ಶುಕ್ರವಾರ ಆಯೋಜಿಸಿದ್ದ "ಜೀವ ವೈವಿಧ್ಯ ಸಂರಕ್ಷಣೆ; ಮಾನವ ಹಸ್ತಕ್ಷೇಪ&ಹವಾಮಾನ ಬದಲಾವಣೆ' ವಿಷಾಯಾಧಾರಿತ ಎರಡು ದಿನಗಳ "ಬಯೋಸೆಮ್ 2ಕೆ24' ರಾಷ್ಟ್ರೀಯ ವಿಚಾರ ಸಂಕಿರಣದಲ್ಲಿ ಮಾತನಾಡಿದರು.
ಮಣಿಪಾಲ ಎಜಿಇ ಕಾರ್ಯದರ್ಶಿ ಬಿ.ಪಿ. ವರದಾಜರಾಜ ಪೈ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಇಂದಿನ ಯುವ ಸಮುದಾಯ ಜೀವವೈವಿಧ್ಯತೆ ಕುರಿತು ಅರಿತುಕೊಳ್ಳಬೇಕಿದೆ. ವಿದ್ಯಾರ್ಜನೆಯ ಅವಧಿಯಲ್ಲೇ ಪ್ರಕೃತಿ ರಕ್ಷಣೆ ಕುರಿತು ಅರಿವು ಹೊಂದಬೇಕಿದೆ ಎಂದರು.
ಪ್ರೊ.ದೇವದಾಸ್ ನಾಯಕ್, ಐಕ್ಯುಎಸಿ ಸಂಚಾಲಕಿ ಶೈಲಜಾ, ಸಹಾಯಕ ಪ್ರಾಧ್ಯಾಪಕಿ ಪ್ರವಿಣಾಕುಮಾರಿ ಎಂ.ಕೆ. ಉಪಸ್ಥಿತರಿದ್ದರು. ಪ್ರಾಂಶುಪಾಲ ಪ್ರೊ.ಲಕ್ಮೀನಾರಾಯಣ ಕಾರಂತ ಅಧ್ಯಕ್ಷತೆ ವಹಿಸಿದ್ದರು. ಪಲ್ಲವಿ ಹಾಗೂ ತಂಡ ಪ್ರಕೃತಿಯ ಕುರಿತು ಹಾಡಿದರು. ಜಿಯಾಲಜಿ ಎಚ್ಒಡಿ ಡಾ. ಮನೀತಾ ಟಿ.ಕೆ. ಪ್ರಾಸ್ತಾವಿಕವಾಗಿ ಮಾತನಾಡಿ, ಸ್ವಾಗತಿಸಿದರು. ಬಾಟನಿ ಎಚ್ಒಡಿ ಡಾ. ಶುೃತಿ ನಾಯಕ್ ವಂದಿಸಿದರು. ಯಶಸ್ವಿನಿ ಬಿ. ಕಾರ್ಯಕ್ರಮ ನಿರೂಪಿಸಿದರು.
