ಮಂಗಳವಾರ ನಾಮಪತ್ರ ಪರಿಶೀಲನೆ ವೇಳೆ ಜಿಲ್ಲಾಧಿಕಾರಿಗೆ ದೂರು ನೀಡಿದ ಅವರು, ಕಾಂಗ್ರೆಸ್ ಅಭ್ಯರ್ಥಿ ಎಸ್. ದಿನೇಶ ಸೋಮಲಿಂಗಯ್ಯ ಇವರು ಮತದಾರರ ಪಟ್ಟಿಯನ್ನು ಅ. 10ರಿಂದ 14ರ ಅವಧಿಯಲ್ಲಿ ಮಹಾನಗರ ಪಾಲಿಕೆಯಿಂದ ಪಡೆದು ಚುನಾವಣೆ ಅಧಿಕಾರಿಗಳಿಗೆ ಸಲ್ಲಿಸಿದ್ದಾರೆ. ಆದರೆ, ಚುನಾವಣೆ ದಿನಾಂಕ ಅ.3 ರಂದು ಪ್ರಕಟಗೊಂಡಿದೆ. ಅ. 10ರಂದು ಮಾದರಿ ನೀತಿ ಸಂಹಿತೆ ಜಾರಿಗೆ ಬಂದಿದೆ. ಆದರೆ, ಕಾಂಗ್ರೆಸ್ ಅಭ್ಯರ್ಥಿ ಮತದಾರರ ಪಟ್ಟಿಯನ್ನು ಮಹಾನಗರ ಪಾಲಿಕೆಯಿಂದ ಪಡೆದು ಚುನಾವಣೆ ಆಯೋಗಕ್ಕೆ ಸಲ್ಲಿಸಿದ್ದು ಅ. 10 ರಿಂದ 14ರ ನಡುವಿನ ಅವಧಿಯಲ್ಲಿ. ಇದು ನಿಯಮ ಬಾಹಿರವಾಗಿದ್ದು ಕೂಡಲೇ ನಾಮಪತ್ರ ರದ್ದು ಪಡಿಸಬೇಕೆಂದು ದೂರು ಸಲ್ಲಿಸಿದ್ದಾಗಿ ರವೀಂದ್ರ ಭಗವಂತಪ್ಪನವರ ತಿಳಿಸಿದ್ದಾರೆ.
