ಶಿಲ್ಪಾ ನೀಡಿದ ದೂರಿನ ಸಾರಾಂಶ:
ನರಗುಂದ ಪಟ್ಟಣದಲ್ಲಿ ಜುವ್ಯಲರಿ ಶಾಪ್ ನಡೆಸುತ್ತಿರುವ ನಾವು ಕೆಲ ಜನರಿಂದ ಸಾಲ ಪಡೆದಿದ್ದೇವು. ಕಳೆದ ಎರಡು ವರ್ಷದಿಂದ ನೂರು ರೂಪಾಯಿಗೆ 10 ರಿಂದ 15 ರೂ. ಬಡ್ಡಿ ಪಾವತಿಸುತ್ತ ಬಂದಿದ್ದೇವೆ. ಸಾಲಕ್ಕಿಂತ ಬಡ್ಡಿಯನ್ನೇ ಅಧಿಕವಾಗಿ ಕಟ್ಟಿದ್ದೇವೆ. ವ್ಯವಹಾರದಲ್ಲಿ ನಷ್ಟ ಅನುಭವಿಸಿದ ಹಿನ್ನೆಲೆ ಬಡ್ಡಿ ಕಟ್ಟಲು ಸಾಧ್ಯವಾಗುತ್ತಿಲ್ಲ. ಸಾಲಗಾರರ ಕಾಟಕ್ಕೆ 20 ದಿನಗಳಿಂದ ನನ್ನ ಪತಿ ಮನೆ ಬಿಟ್ಟು ಹೋಗಿದ್ದಾರೆ. ಸಾಲಗಾರರು ಮನೆವರೆಗೂ ಬಂದು ಕೊಲೆ ಬೆದರಿಕೆ ಹಾಕುತ್ತಿದ್ದಾರೆ. ನಾನು ಅಂಗಡಿಯಲ್ಲಿ ಒಬ್ಬಳೆ ಇದ್ದಾಗಲೂ ರಾತ್ರಿ 10, 11 ಗಂಟೆವರೆಗೂ ಕುಳಿತು ಬಡ್ಡಿ ಕೊಡಿ ಎಂದು ಚಿತ್ರ ಹಿಂಸೆ ನೀಡುತ್ತಿದ್ದಾರೆ. 8 ತಿಂಗಳ ಗರ್ಭೀಣ ಆಗಿರುವ ನಾನು ಊಟಕ್ಕೆ ಹೋಗಬೇಕೆಂದರೂ, ಶೌಚಕ್ಕೆ ಹೋಗಬೇಕೆಂದರೂ ಬಿಡದಂತೆ ಕಾವಲು ಕಾಯುತ್ತಿದ್ದಾರೆ. ಅಂಗಡಿಯಲ್ಲಿದ್ದ ಕೆಲವೇ ಆಭರಣಗಳನ್ನು ತೆಗೆದುಕೊಂಡು ಹೋಗವುದಾಗಿ ಬೆದರಿಕೆ ಒಡ್ಡುತ್ತಿದ್ದಾರೆ. ಇದರಿಂದ ತೊಂದರೆ ಅನುಭವಿಸುತ್ತಿದ್ದೇನೆ. ಹೊಟ್ಟೆಯಲ್ಲಿರುವ ಮಗುವಿಗಾಗಿ ಬದುಕಿದ್ದೇನೆ ವಿನಹ ಸಾಲಗಾರರ ಕಾಟಕ್ಕೆ ಆತ್ಮಹತ್ಯೆ ಮಾಡಿಕೊಳ್ಳಬೇಕು ಎಂದೆನಿಸುತ್ತದೆ. ಈ ಮೊದಲು 2 ರೂ, 3 ರೂ, ಬಡ್ಡಿ ಎಂದು ಕೊಟ್ಟಿರುವ ಸಾಲಗಾರರು ಈಗ 10 ರೂ, 15 ರೂ. ಲೆಕ್ಕ ಮಾಡಿ ಬಡ್ಡಿ ಕೇಳುತ್ತಿದ್ದಾರೆ. ಸಾಲ ನೀಡಿದವರಲ್ಲಿ ಒಬ್ಬರು ಸ್ಥಳಿಯ ಪುರಸಭೆ ಸದಸ್ಯರು ಎನ್ನಲಾಗಿದೆ. ಮತ್ತೊಬ್ಬರು ಟ್ರೇಡಿಂಗ್ ಕಂಪನಿ ಮಾಲೀಕರಾಗಿದ್ದಾರೆ. ಮತ್ತು ಕೆಲವರು ದಿನಕ್ಕೆ 300 ರೂ. ಬಡ್ಡಿಮ ಚಕ್ರ ಬಡ್ಡಿಹಾಕಿ ಪೀಡಿಸುತ್ತಿದ್ದಾರೆ ಎಂದು ಗರ್ಭೀಣಿ ಶಿಲ್ಪಾ ದೂರಿನಲ್ಲಿ ತಿಳಿಸಿದ್ದಾರೆ.
