ಕ್ರಿಸ್ಮಸ್ ಟ್ರೀ, ಬಣ್ಣ ಬಣ್ಣದ ಸ್ಟಾರ್ಸ್ಗಳು, ಕೃತಕ ಗೋದಲಿಗಳು, ಬಗೆಬಗೆಯ ಗ್ರೀಟಿಂಗ್ ಕಾರ್ಡ್ಗಳು, ವಿದ್ಯುತ್ ಅಲಂಕಾರಿಕ ಸಾಮಗ್ರಿ ಹಾಗೂ ಬಲೂನ್ಗಳು ಪಟ್ಟಣದ ಕ್ರೈಸ್ತ ಬಾಂಧವರ ಮನೆಗಳಲ್ಲಿ ರಾರಾಜಿಸಿದವು. ಕೇಕ್ ಹಾಗೂ ಚಾಕ್ಲೇಟ್ ಸವಿದ ಜನರು ಖುಷಿಪಟ್ಟರು. ಕ್ರೈಸ್ತರ ಮನೆಮನೆಗಳ ಎದುರು ಮಿನುಗುವ ಹಣತೆಗಳು, ಮೇಣದ ಬತ್ತಿಗಳು, ಗೂಡು ದೀಪಗಳು, ನಕ್ಷತ್ರಗಳು, ಕ್ರಿಸ್ಮಸ್ ವೃಕ್ಷದಲ್ಲಿ ಝಗಮಗಿಸುವ ಬಣ್ಣ ಬಣ್ಣದ ದ್ವೀಪಗಳು ಆಕರ್ಷಣೀಯವಾಗಿದ್ದವು. ಆಲ್ಫೋನ್ಸ್ ನಗರದ ಸಂತ ಅಲ್ಫೋನ್ಸರ ಚರ್ಚ್ ಆವರಣದಲ್ಲಿ ಯೇಸುಕ್ರಿಸ್ತನ ಜನ್ಮ ವೃತ್ತಾಂತ ಸಾರುವ ಕೃತಕವಾಗಿ ರೂಪಿಸಿದ ಗೋದಲಿ ಎಲ್ಲರ ಗಮನ ಸೆಳೆಯಿತು. ಮಂಗಳವಾರ ಮಧ್ಯರಾತ್ರಿ ಹಾಗೂ ಬುಧವಾರ ಬೆಳಗ್ಗೆ ಸಾಮೂಹಿಕ ಪ್ರಾರ್ಥನೆಗಳು ನಡೆದವು.
