ಹೊರೆಕಾಣಿಕೆ
ಶಿವರಾತ್ರಿಯ ದಿನದಂದು ಈಶ್ವರನಿಗೆ ವಿಶೇಷ ಆರಾಧನೆಯಾಗಿ ಹೊರೆಕಾಣಿಕೆ ಎಂಬ ಅತ್ಯಂತ ಶ್ರದ್ಧಾಭಕ್ತಿಯಿಂದ ಸೇವೆಯನ್ನು ಮಾಡಲಾಗುತ್ತದೆ. ಇದರಲ್ಲಿ ಗ್ರಾಮದ ಪ್ರತೀ ಮನೆಯವರು ಪಾಲ್ಗೊಳ್ಳುತ್ತಾರೆ. ಅಂದು ಮಹಾಗಣಪತಿಹೋಮ, ಹೊರೆಕಾಣಿಕೆ ಸಮರ್ಪಣೆ, ಮಾಹಾಪೂಜೆ, ಗೋದೂಳಿ ಪೂಜೆ, ದೀಪಾಲಂಕಾರ ಪೂಜೆ, ರಂಗಪೂಜೆ, ಜಾಗರಣೆ ಪ್ರಯುಕ್ತ ಯಕ್ಷಗಾನ ಪ್ರದರ್ಶನ ನಡೆಯುತ್ತವೆ. ಸೋಮವಾರ ಹಾಗೂ ಶನಿವಾರ ವಿಶೇಷ ಪೂಜೆ ನಡೆಯಲಿದ್ದು, ದಿನನಿತ್ಯ ರುದ್ರಾಭಿಷೇಕ, ಮಹಾಗಣಪತಿ ಪೂಜೆ, ನಾಗಪೂಜೆ, ನವಗ್ರಹ ಪೂಜೆ, ಕ್ಷೀರಾಭಿಶೇಷ, ಕುಂಕುಮಾರ್ಚನೆ, ಬಿಲ್ವಾಪತ್ರಾರ್ಚನೆ, ಸಾಮೂಹಿಕ ಸತ್ಯನಾರಾಯಣ ಪೂಜೆ ನಡೆಯಲಿದೆ. ದೇವಾಲಯದಲ್ಲಿ ಈಶ್ವರ ಪಾರ್ವತಿ ಇರುವುದರಿಂದ ಭಕ್ತರು ಮದುವೆಯ ಹರಕೆಗಳನ್ನು ಹೊರುವುದು ಇಲ್ಲಿನ ವಿಶೇಷ.
