10 ಭಾಷೆಗಳಲ್ಲಿ ಮಾಹಿತಿ ಲಭ್ಯ: ರಾಜ್ಯದ 30 ಜಿಲ್ಲೆ ಸಹಿತ ದೇಶದ ಒಟ್ಟು 150ಕ್ಕೂ ಹೆಚ್ಚು ಜಿಲ್ಲೆಗಳ ರೈತರಿಗೆ ವಾತಾವರಣ ಆಧರಿತ ಕೃಷಿ ಕೈಗೊಳ್ಳಲು ಸ್ಥಳೀಯ ಭಾಷೆಯಲ್ಲಿ ಮಾಹಿತಿ ಸಿಗುವುದು ಈ ತಾಂತ್ರಾಂಶದ ವಿಶೇಷತೆಯಾಗಿದೆ. ರೈತರು ಕನ್ನಡ, ತೆಲುಗು, ಮರಾಠಿ, ತಮಿಳು, ಹಿಂದಿ, ಇಂಗ್ಲಿಷ್ ಸೇರಿದಂತೆ 10 ಭಾಷೆಗಳಲ್ಲಿ ಮಾಹಿತಿ ಪಡೆಯಬಹುದು. ಈ ತಂತ್ರಾಂಶದಿಂದ ರೈತರಿಗೆ ವಾರದಲ್ಲಿ ಎರಡು ಬಾರಿ (ಮಂಗಳವಾರ ಮತ್ತು ಶುಕ್ರವಾರ)ವಾತಾವರಣದ ಅಂಶಗಳಾದ ಉಷ್ಣಾಂಶ, ಆದ್ರತೆ, ಮಳೆ, ಮೋಡ, ಗಾಳಿಯ ದಿಕ್ಕು, ಮತ್ತು ವೇಗದ ಮುನ್ಸೂಚನೆ ಮತ್ತು ಕೃಷಿ ಹವಾಮಾನ ಮುನ್ಸೂಚನೆ ಘಟಕಗಳು ಜಿಲ್ಲೆಯ ಬೆಳೆಯ ಅನುಗುಣವಾಗಿ ನೀಡುವ ಸಲಹೆ ಪಡೆಯಬಹುದು ಎಂದು ಕೇಂದ್ರದ ನೋಡಲ್ ಅಧಿಕಾರಿ ಕೆ.ವಿ ಸುಧೀರ್ ಕಾಮತ್ ತಿಳಿಸಿದರು.
