ಅಕ್ರಮ ಮಾಂಸ ಸಾಗಣೆ ವಿರುದ್ಧ ಕ್ರಮವಾಗಲಿ

ಕೊಪ್ಪಳ: ಅಕ್ರಮ, ಕಳಪೆ ಮಾಂಸ ಸಾಗಣೆ ತಡೆ ಸೇರಿ ವಿವಿಧ ಬೇಡಿಕೆ ಈಡೇರಿಕೆಗೆ ಆಗ್ರಹಿಸಿ ಹಿಂದು ಜನ ಜಾಗೃತಿ ಸಮಿತಿ ಪದಾಧಿಕಾರಿಗಳು ಸೋಮವಾರ ತಹಸೀಲ್ದಾರ್​ ಮೂಲಕ ರಾಜ್ಯಪಾಲರಿಗೆ ಮನವಿ ಸಲ್ಲಿಸಿದರು.

ಬೆಂಗಳೂರಿಗೆ ವಿವಿಧೆಡೆಯಿಂದ ಅಕ್ರಮ ಮಾಂಸ ಸರಬರಾಜಾಗುತ್ತಿದೆ. ಕಳಪೆಯಾಗಿದ್ದು, ಕೆಟ್ಟ ಮಾಂಸ ಪೂರೈಕೆಯಾಗುತ್ತಿದೆ. ಆಹಾರ ಇಲಾಖೆ ನಿಯಮಗಳನ್ನು ಗಾಳಿಗೆ ತೂರಿ ದಂಧೆ ನಡೆಸುತ್ತಿದ್ದಾರೆ. ಇದರಿಂದ ಜನರ ಆರೋಗ್ಯ ಹಾಳಾಗುತ್ತಿದೆ. ಮಾಂಸ ಮಾರಾಟಗಾರರು ಈ ಬಗ್ಗೆ ಹಲವು ತಿಂಗಳ ಹಿಂದೆಯೇ ಮಾಹಿತಿ ನೀಡಿದರೂ ಸರ್ಕಾರ ಕ್ರಮ ಕೈಗೊಂಡಿಲ್ಲ. ಜು.26ರಂದು ಸಾರ್ವಜನಿಕರು ದೂರಿದ ಮೇಲೆ ಆಹಾರ ಅಧಿಕಾರಿಗಳು ಮಾಂಸದ ಮಾದರಿ ಪಡೆದಿದ್ದಾರೆ. ಈ ವೇಳೆ ಮಾದರಿ ಪಡೆಯಲು ಅಡ್ಡಿಪಡಿಸಲಾಗಿದೆ. ಈ ಬಗ್ಗೆ ಧ್ವನಿ ಎತ್ತಿದ್ದ ಹಿಂದು ಕಾರ್ಯಕರ್ತ ಪುನೀತ್​ ಕೆರೆಹಳ್ಳಿ ಮೇಲೆ ದೌರ್ಜನ್ಯ ಎಸಗಲಾಗಿದೆ. ಡರಾಮನ ಇತಿಹಾಸ ಇರುವ ರಾಮನಗರ ಜಿಲ್ಲೆ ಹೆಸರನ್ನು ಬೆಂಗಳೂರು ದಣ ಎಂದು ಮರು ನಾಮಕರಣ ಮಾಡಲಾಗುತ್ತದೆ ಎಂದು ಆರೋಪಿಸಿದರು.

ಅಕ್ರಮ ಮಾಂಸ ದಂಧೆ ತಡೆಯಬೇಕು. ಪುನೀತ್​ ಕೆರೆಹಳ್ಳಿ ಮೇಲೆ ದೌರ್ಜನ್ಯ ನಡೆಸಿದ ಎಸಿಪಿ ಚಂದನ್​ ವಿರುದ್ಧ ಕ್ರಮ ಕೈಗೊಳ್ಳಬೇಕು. ರಾಮನಗರ ಜಿಲ್ಲೆ ಹೆಸರನ್ನು ಬೆಂಗಳೂರು ದಣ ಜಿಲ್ಲೆ ಎಂದು ಮರು ನಾಮಕರಣ ಮಾಡುವುದನ್ನು ತಡೆಯಬೇಕು ಎಂದು ಒತ್ತಾಯಿಸಿದರು. ಸಮಿತಿ ಪದಾಧಿಕಾರಿಗಳಾದ ಮಲ್ಲಿಕಾರ್ಜುನ ಪಿ.ಮಡಿವಾಳರ, ಗುರುನಾಥ್​ ಜಿ. ಮಡಿವಾಳರ, ಪ್ರಕಾಶ್​ ಗೌಡರ, ರಾಜು ಧರೆಯಣ್ಣನವರ ಇತರರಿದ್ದರು.