ಇದಕ್ಕೆ ಕಾರಣ ಈ ಬಾವಿಯ ನೀರು ಕುಡಿದರೆ ರೋಗ ಮಾಯವಾಗುತ್ತದೆ ಎಂಬ ನಂಬಿಕೆ. ಹೌದು, ಪಟ್ಟಣದ ಕಾರಮರಡಿ ರಸ್ತೆಯಲ್ಲಿರುವ ವಿಶ್ವಕರ್ಮ ಸಮುದಾಯದ ಸ್ಮಶಾನದ ಸಮೀಪದ ಬಾವಿ ಬರಗಾಲದಿಂದ ಬತ್ತಿದ್ದರೂ ತಳದಲ್ಲಿ ಜೋಪಿನ ನೀರು ಹರಿಯುತ್ತಿದೆ. ಈ ನೀರು ಕುಡಿದರೆ ಗ್ಯಾಸ್ಟ್ರಿಕ್ ಸೇರಿ ಹಲವು ಕಾಯಿಲೆಗಳು ಗುಣವಾಗುತ್ತವೆ ಎಂಬುದು ಕೆಲವರ ನಂಬಿಕೆ. ಹಲವು ವರ್ಷಗಳಿಂದ ಈ ಬಾವಿ ನೀರು ಕುಡಿಯುತ್ತಿದ್ದೇವೆ. ನಮಗೆ ಬೇರೆಯ ನೀರು ಕುಡಿದರೆ ಕೈ ಕಾಲು ಹಿಡಿದುಕೊಳ್ಳುತ್ತವೆ ಎನ್ನುತ್ತಾರೆ ಗ್ರಾಮಸ್ಥರು. ಕಾರಮರಡಿ, ಬೆಂಕಿಪುರ ಸೇರಿ ಸುತ್ತಮುತ್ತಲ ಹಿರಿಯರು ಇಂದಿಗೂ ಇದೇ ನೀರು ಕುಡಿಯುತ್ತಾರೆ. 20 ಅಡಿ ಬಾವಿಗೆ ಹಗ್ಗ ಕಟ್ಟಿ ತಳಕ್ಕೆ ಇಳಿದು ಪ್ರತೀ ದಿನ 50ಕ್ಕೂ ಹೆಚ್ಚು ಕೊಡ ನೀರನ್ನು ಲೋಟ ಬಳಸಿ ತುಂಬಿಕೊಂಡು ಹೋಗುತ್ತಿದ್ದಾರೆ.
