ನಾರಾಯಣಗುರು ಈಡಿಗರ ಸಂಘವು ಇಲ್ಲಿನ ಬಸವನ ಬೀದಿಯ ಶ್ರೀ ಸೀತಾರಾಮ ಕಲ್ಯಾಣ ಮಂಟಪದಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ಬ್ರಹ್ಮಶ್ರೀ ನಾರಾಯಣ ಗುರುಗಳ 169ನೇ ಜಯಂತ್ಯುತ್ಸವದ ಸಾನ್ನಿಧ್ಯ ವಹಿಸಿ ಆಶೀರ್ವಚನ ನೀಡಿದ ಶ್ರೀಗಳು, ಸಮಾಜದ ಜನರಲ್ಲಿ ಬಡವ, ಬಲ್ಲಿದ ಬೇಧ ಇರದಂತೆ ಐಕ್ಯತಾ ಭಾವ ಮೂಡಿಸಬೇಕು. ಸಮಾಜದಲ್ಲಿ ಗೌರವಯುತ ಬದುಕು ನಮ್ಮದಾಗಬೇಕಾಗಿದ ಎಂದರು.
ಕಾರ್ಯಕ್ರಮ ಉದ್ಘಾಟಿಸಿದ ಸಿಗಂದೂರು ಕ್ಷೇತ್ರದ ಧರ್ಮಾಧಿಕಾರಿ ರಾಮಪ್ಪ ಮಾತನಾಡಿ, ನಾರಾಯಣ ಗುರುಗಳು ತಮ್ಮ ಬದುಕು ಮತ್ತು ತತ್ವಗಳಿಂದ ಬ್ರಹ್ಮಶ್ರೀ ಬಿರುದು ಪಡೆದಿದ್ದರು. ಸಂಘರ್ಷದ ಸಮಯದಲ್ಲೂ ಸಾಮರಸ್ಯದ ಸಮಾಜ ನಿರ್ಮಿಸಿದ ಶ್ರೇಯಸ್ಸು ಅವರದ್ದು. ಅವರ ಆದರ್ಶ ನಮಗೆ ಹೊಸ ಸ್ಪೂರ್ತಿ ಮೂಡಿಸಲು ಎಂದರು.
ಮಾಜಿ ಸಚಿವ ಕಾಗೋಡು ತಿಮ್ಮಪ್ಪ ಮಾತನಾಡಿ, ಭೂಮಿ ಒಡೆತನ ಮತ್ತು ಸಾರ್ವತ್ರಿಕ ಶಿಕ್ಷಣದಿಂದ ಈಡಿಗ ಜನಾಂಗದವರು ಇಂದು ಗೌರವಯುತ ಬದುಕು ನಡೆಸುವಂತಾಗಿದೆ. ಇನ್ನಷ್ಟು ಸವಲತ್ತುಗಳು ಪಡೆಯಲು ಸಂಘಟನೆ ಮುಖ್ಯ ಎಂದು ಹೇಳಿದರು.
ಯಡೇಹಳ್ಳಿ ವೃತ್ತದಿಂದ ಶ್ರೀಸೀತಾರಾಮ ಕಲ್ಯಾಣ ಮಂಟಪದವರೆಗೆ ನಾರಾಯಣ ಗುರುಗಳ ಭಾವಚಿತ್ರದ ಭವ್ಯ ಮೆರವಣಿಗೆ ನಡೆಸಲಾಯಿತು.
ಈಡಿಗ ಸಂಘದ ಅಧ್ಯಕ್ಷ ಬಂಗಾರಪ್ಪ ಗೌತಮಪುರ, ಸಮಾಜ ಸೇವಕಿ ಡಾ.ರಾಜನಂದಿನಿ ಕಾಗೋಡು, ನವ ಚೇತನ ವೇದಿಕೆ ಅಧ್ಯಕ್ಷ ಕೆ.ಎಸ್.ಪ್ರಶಾಂತ, ಪ್ರಮುಖರಾದ ಅಶೋಕ ನರಸೀಪುರ, ಚೇತನರಾಜ್ ಕಣ್ಣೂರು, ರೇಣುಕಾ, ಪ್ರಭಾವತಿ, ಶರತ್ ನಾಗಪ್ಪ, ರಮಾನಂದ ಸಾಗರ್, ದೇವು ಬೀಸನಗದ್ದೆ, ಪ್ರವೀಣ್, ಚೌಡಪ್ಪ ವರದಾಮೂಲ ಇತರರಿದ್ದರು.
