ಬದುಕಿಗೆ ಬಣ್ಣ ನೀಡುವ ಕಲೆ-ಕಲಾವಿದರು...

ಆರ್ಕಿಟೆಕ್ಟ್​ ಶ್ರೀಜಾ ಜಯಕುಮಾರ್​ ಅಭಿಪ್ರಾಯ

ಮಥುರಾದ ಸಾಂಝಿ ಕಲಾ ಪ್ರದರ್ಶನ ಉದ್ಘಾಟನೆ

ವಿಜಯವಾಣಿ ಸುದ್ದಿಜಾಲ ಉಡುಪಿ

ತಂತ್ರಜ್ಞಾನದ ಯುಗದಲ್ಲಿ ದಾಪುಗಾಲಿಟ್ಟು ಓಡುತ್ತಿರುವ ನಾವುಗಳೆಲ್ಲ ರೋಬಾಟ್​ ಹಾಗೂ ಮೆಕ್ಯಾನಿಕಲ್​ ವ್ಯವಸ್ಥೆಯಲ್ಲಿ ಜೀವನ ಸಾಗಿಸುತ್ತಿದ್ದೇವೆ. ಬದುಕು ಕಳಾಹೀನವಾಗುತ್ತಿರುವ ಇಂದಿನ ಸಂದರ್ಭದಲ್ಲಿ ನಮಗೆ ದೇಸೀಯ ವಿವಿಧ ಕಲೆಗಳು ಸ್ಫೂರ್ತಿಯಾಗುತ್ತವೆ. ಕಲೆ-ಕಲಾವಿದರು ಇದ್ದಲ್ಲಿ ಮಾತ್ರ ಎಲ್ಲರ ಬದುಕಿಗೂ ವಿವಿಧ ಬಣ್ಣ ಲಭಿಸುತ್ತವೆ. ಇಲ್ಲದಿದ್ದಲ್ಲಿ ಎಲ್ಲರ ಬದುಕು ಕಪ್ಪು-ಬಿಳುಪು ಎಂದು ಉಡುಪಿಯ ಆರ್ಕಿಟೆಕ್ಟ್​ ಶ್ರೀಜಾ ಜಯಕುಮಾರ್​ ಅಭಿಪ್ರಾಯ ವ್ಯಕ್ತಪಡಿಸಿದರು.

ಉಡುಪಿಯ ಬಡಗುಪೇಟೆಯ ಹತ್ತು ಮೂರು ಇಪ್ಪತ್ತೆಂಟು ಗ್ಯಾಲರಿಯಲ್ಲಿ ಭಾವನಾ ಫೌಂಡೇಷನ್ ​(ರಿ.) ಹಾವಂಜೆ ಹಾಗೂ ಭಾಸ ಗ್ಯಾಲರಿ ಮತ್ತು ಸ್ಟುಡಿಯೋ, ಉಡುಪಿಯ ಮಧುರಂ ವೈಟ್​ ಲೋಟಸ್​ ಸಹಯೋಗದಲ್ಲಿ ಬುಧವಾರ ಆಯೋಜಿಸಿದ್ದ ಬೃಂದಾವನದಿಂದ ಉಡುಪಿಯೆಡೆಗೆ ಶೀರ್ಷಿಕೆಯಡಿ ಮಥುರಾದ ಸಾಂಝಿ ಪೇಪರ್​ ಕಲಾಕೃತಿಗಳ ಕಲಾ ಪ್ರದರ್ಶನ ಉದ್ಘಾಟಿಸಿ ಮಾತನಾಡಿದರು.

ಕಲೆ ಪರಿಚಯಿಸುವ ಉದ್ದೇಶ

ಕಾರ್ಯಕ್ರಮದ ಸಂಯೋಜಕ, ಕಾವಿ ಕಲಾವಿದ ಡಾ. ಜನಾರ್ದನ್​ ರಾವ್​ ಹಾವಂಜೆ ಪ್ರಾಸ್ತಾವಿಕವಾಗಿ ಮಾತನಾಡಿ, ಮಥುರಾದ ಸಾಂಝಿ ಕಲೆಯು ದೇಸೀಯ ಕಲಾ ಪ್ರಕಾರವಾಗಿದೆ. ಟ್ರೀ ಆಫ್​ ಲೈಫ್​, ಕೃಷ್ಣನ ಲೀಲೆಗಳು, ಬುದ್ಧ, ನಿಸರ್ಗದ ಚಿತ್ರಗಳಿಗೆ ಈ ಕಲೆ ಪ್ರಸಿದ್ಧವಾಗಿದೆ. ಇಂದಿಗೂ ಒಳಾಂಗಣ ವಿನ್ಯಾಸದಲ್ಲಿ ಮಹತ್ವದ ಸ್ಥಾನ ಉಳಿಸಿಕೊಂಡಿದೆ. ಜಿಐ ಟ್ಯಾಗ್​ ಗಳಿಸಿರುವ ದೇಸೀಯ ಕಲಾಪ್ರಕಾರವೊಂದನ್ನು ಉಡುಪಿಗೆ ಪರಿಚಯಿಸುವ ನಿಟ್ಟಿನಲ್ಲಿ ಈ ಕಲಾಪ್ರದರ್ಶನ ಏರ್ಪಡಿಸಲಾಗಿದೆ. ಜ. 26ರ ವರೆಗೆ ಮಧ್ಯಾಹ್ನ 3ರಿಂದ 7ರ ವರೆಗೆ ಕಲಾಸಕ್ತರ ವೀಕ್ಷಣೆ ತೆರೆದಿರಲಿದೆ ಎಂದರು.

ಫೌಂಡೇಷನ್​ನ ನಿರ್ದೇಶಕ ಹಾವಂಜೆ ಮಂಜುನಾಥ ರಾವ್​, ಕಲಾವಿದ ಪಿ.ಎನ್​. ಆಚಾರ್ಯ, ವರ್ಷಾ ಎ.ಜೆ. ಉಪಸ್ಥಿತರಿದ್ದರು. ಅನೇಕರು ಸಾಂಝಿ ಕಲೆಯಲ್ಲಿ ಅರಳಿದ ವಿವಿಧ ಕಲಾಕೃತಿ ವೀಕ್ಷಿಸಿ, ಮೆಚ್ಚುಗೆ ವ್ಯಕ್ತಪಡಿಸಿದರು.

ಕಲೆಯ ರಚನೆಯಲ್ಲಿ ತಾಳ್ಮೆ ಮುಖ್ಯ