ಸಾಮೂಹಿಕ ವಿವಾಹಗಳು ಬಡವರಿಗೆ ಸಹಕಾರಿ

ಇಳಕಲ್ಲ(ಗ್ರಾ): ನಗರದ ವಿಜಯ ಮಹಾಂತೇಶ ರಥೋತ್ಸವ ಅಂಗವಾಗಿ ಶರಣ ಪದ್ಧತಿಯಂತೆ ಗದ್ದುಗೆ ಆವರಣದಲ್ಲಿ ಎಪಿಎಂಸಿ ವ್ಯಾಪಾರಸ್ಥರ ಸಂಘದಿಂದ ಸೋಮವಾರ 23 ಜೋಡಿಗಳ ಸಾಮೂಹಿಕ ವಿವಾಹ ಕಾರ್ಯಕ್ರಮ ನಡೆಯಿತು.

ಶಾಸಕ ವಿಜಯಾನಂದ ಕಾಶಪ್ಪನವರ ಮಾತನಾಡಿ, ಸಾಮೂಹಿಕ ವಿವಾಹದಲ್ಲಿ ಮದುವೆ ಮಾಡಿಕೊಳ್ಳುವುದರಿಂದ ಬಡವರಿಗೆ ಸಾಕಷ್ಟು ಅನುಕೂಲವಾಗುತ್ತದೆ. ಗಂಡಿನ ಕಡೆಯವರು ಮುಂದೆ ಯಾವುದೇ ಕಾರಣದಿಂದಲೂ ಹೆಣ್ಣಿನ ಕಡೆಯವರನ್ನು ವರದಕ್ಷಿಣೆಗಾಗಿ ಸತಾಯಿಸಬಾರದು. ಪರಸ್ಪರ ಅನ್ಯೋನ್ಯವಾಗಿ ಸುಖ ಸಂಸಾರ ನಡೆಸುವ ಜತೆಗೆ ಮಿತ ಸಂತಾನ ಹೊಂದಬೇಕೆಂದು ಹೇಳಿದರು.

ಗುರುಮಹಾಂತ ಶ್ರೀಗಳು, ಡಾ. ಬಸವಲಿಂಗ ಸ್ವಾಮಿಗಳ, ಮುರ್ತುಜಾ ಖಾದ್ರಿ, ದರ್ಗಾ ಗುರು ಫೈಸಲ್ ಪಾಷಾ ಸಾನ್ನಿಧ್ಯ ವಹಿಸಿದ್ದರು.

ಅಡತ ವ್ಯಾಪಾರಸ್ಥ ಬಸವರಾಜ ಕಬ್ಬಿಣದ, ಸಂಗಣ್ಣ ಕಂಪ್ಲಿ, ತೊಂಡಿಹಾಳ, ಬಸವರಾಜ ಗಾಣಿಗೇರ, ಶಿವರುದ್ರಪ್ಪ ಗೊಂಗಡಶೆಟ್ಟಿ, ಮಹಾಂತಗೌಡ ಪಾಟೀಲ, ಜಿಎಂಇ, ಮುತ್ತು ನಾಲವಾಡದ, ಕಮಲ ಭಂಡಾರಿ, ದೀಪಕ ಭಂಡಾರಿ, ನಗರಸಭೆ ಸದಸ್ಯರಾದ ಸುರೇಶ ಜಂಗ್ಲಿ, ಮೌಲೇಶ ಬಂಡಿವಡ್ಡರ, ಅಮೃತ ಬಿಜ್ಜಳ ಮತ್ತಿತರರಿದ್ದರು.

ಮಲ್ಲಯ್ಯ ಗಣಾಚಾರಿ ವಿವಾಹ ಕಾರ್ಯಕ್ರಮ ನಡೆಸಿಕೊಟ್ಟರು.