ಮಾರ್ಷಲ್ ಆರ್ಟ್ ವಿಶ್ವದಾಖಲೆ ಯತ್ನ: ಜಿಡಬ್ಲ್ಯುಆರ್ ಗ್ಲೋಬಲ್ ವರ್ಲ್ಡ್ ರೆಕಾರ್ಡ್ ಸಂಸ್ಥೆ ಆಯೋಜನೆ | Martial arts

Martial arts : ಜಿಡಬ್ಲ್ಯುಆರ್ ಗ್ಲೋಬಲ್ ವರ್ಲ್ಡ್ ರೆಕಾರ್ಡ್ ಸಂಸ್ಥೆಯು ಡಬ್ಲ್ಯುಎಸ್​ಎಸ್ ಸ್ಪೋರ್ಟ್ಸ್ ಜತೆಗೂಡಿ ಮಹಿಳಾ ಸಬಲೀಕರಣ ಮತ್ತು ಸರಕ್ಷತೆಯ ಉದ್ದೇಶದ ‘ಜಿಡಬ್ಲ್ಯುಆರ್ ಬ್ರೂಸ್ಲಿ ಮಾರ್ಷಿಯಲ್ ಆರ್ಟ್ಸ್ ಸೀಸನ್-5’ ಆಯೋಜನೆಗೆ ಮುಂದಾಗಿದೆ.

ವಿಜಯವಾಣಿ ಮಾಧ್ಯಮ ಸಹಯೋಗದಲ್ಲಿ ಈ ಬಾರಿ ‘ಮಾರ್ಷಲ್ ಆರ್ಟ್ ಮೂಲಕ ಮಹಿಳೆಯರಿಗೆ ಹೆಚ್ಚಿನ ದೃಢತೆ’ ( Unbreakable Women's Power Through Martial Arts ) ಧ್ಯೇಯವಾಕ್ಯ ದೊಂದಿಗೆ ಆಯೋಜಿಲಾಗುತ್ತಿದೆ.

ಜೂ. 22ರಂದು ನಿಗದಿಯಾಗಿರುವ ಈ ಕಾರ್ಯಕ್ರಮದ ಭಾಗವಾಗಿ ಮಾರ್ಷಲ್ ಆರ್ಟ್ಸ್ ಕ್ಷೇತ್ರದಲ್ಲಿ ಶ್ರೇಷ್ಠ ಸಾಧನೆ ತೋರಿದವರಿಗೆ ‘ಜಿಡಬ್ಲ್ಯುಆರ್ ಫೀನಿಕ್ಸ್ ರೈಸಿಂಗ್ ಅವಾರ್ಡ್’ ಎಂಬ ಅಂತಾರಾಷ್ಟ್ರೀಯ ಪ್ರಶಸ್ತಿ ನೀಡಲಾಗುತ್ತಿದೆ. ವಿಶ್ವದ ನಾನಾ ಭಾಗಗಳಲ್ಲಿ ಸಾಧನೆ ಮಾಡಿರುವ 100ಕ್ಕೂ ಹೆಚ್ಚು ಮಾರ್ಷಲ್ ಆರ್ಟ್ ಮಾಸ್ಟರ್​ಗಳು, ಗ್ರ್ಯಾಂಡ್​ ಮಾಸ್ಟರ್​ಗಳು ಮತ್ತು ಸ್ವರಕ್ಷಣೆ ತರಬೇತುದಾರರಿಗೆ ಟ್ರೋಫಿ ಹಾಗೂ ಪ್ರಶಂಸನಾ ಪತ್ರ ಒಳಗೊಂಡಿರುವ ಈ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತಿದೆ.

ಇದನ್ನೂ ಓದಿ: ಈ 3 ರಾಶಿಯ ಮಹಿಳೆಯರು ಸಹೋದರರಿಗೆ ತಕ್ಕ ಸಹೋದರಿಯರಾಗಿರುತ್ತಾರಂತೆ! ನಿಮ್ಮ ರಾಶಿ ಯಾವುದು? Zodiac Signs

2 ಸಾವಿರಕ್ಕೂ ಅಧಿಕ ವಿದ್ಯಾರ್ಥಿಗಳು ಭಾಗಿ

ಕಾರ್ಯಕ್ರಮದಲ್ಲಿ 2 ಸಾವಿರಕ್ಕೂ ಹೆಚ್ಚು ವಿದ್ಯಾರ್ಥಿಗಳು 30 ನಿಮಿಷಗಳವರೆಗೆ ಸತತವಾಗಿ ಮಾರ್ಷಲ್ ಆರ್ಟ್ ಪ್ರದರ್ಶಿಸುವ ಮೂಲಕ ಜಾಗತಿಕ ವಿಶ್ವದಾಖಲೆ ನಿರ್ವಿುಸಲು ಮುಂದಾಗಲಿದ್ದಾರೆ. ಜಿಡಬ್ಲ್ಯುಆರ್ ಡ್ರ್ಯಾಗನ್​ ಲೆಗಸಿ ಹೆಸರಿನಲ್ಲಿ ನಡೆಸಲಾಗುವ ಈ ಪ್ರಯತ್ನದಲ್ಲಿ ಭಾರತ, ಮಲೇಷಿಯಾ, ಶ್ರೀಲಂಕಾ, ಕೆನಡಾ, ಅಮೆರಿಕ, ಬೆಲ್ಜಿಯಂ, ಯುಎಇ, ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ ಮತ್ತು ನೇಪಾಳದಿಂದ ಮಾರ್ಷಲ್ ಆರ್ಟ್ಸ್ ಪ್ರದರ್ಶಕರು ತಾವಿರುವೆಡೆಗಳಿಂದಲೇ ಜತೆಯಾಗಲಿದ್ದಾರೆ.

ಕರ್ನಾಟಕ ಸರ್ಕಾರದ ಅಧಿಕಾರಿಗಳಲ್ಲದೆ ಅಂತಾರಾಷ್ಟ್ರೀಯ ಮಾರ್ಷಲ್ ಆರ್ಟ್ ಗ್ರ್ಯಾಂಡ್​ ಮಾಸ್ಟರ್​ಗಳು ಹಾಗೂ ದಕ್ಷಿಣ ಭಾರತ ಚಿತ್ರರಂಗದ ಖ್ಯಾತ ಕಲಾವಿದ ಸುಮನ್ ಈ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಲಿದ್ದಾರೆ.

ಹೆಚ್ಚಿನ ಮಾಹಿತಿಗಾಗಿ ದೂರವಾಣಿ ಸಂಖ್ಯೆ 9360805009/9003222618 ಅನ್ನು ಸಂಪರ್ಕಿಸಿ.

https://www.vijayavani.net/renowned-kannada-writer-h-s-venkateshamurthy-passes-away

https://www.vijayavani.net/writer-h-s-venkateshamurthy-who-increased-the-spirit-of-kannadigas-says-purushottama-bilimale