ಆರ್ಟಿಒ ದರದಲ್ಲಿ ಸೇವೆ: ನಗರದ ಎಲ್ಲ ಆಟೋಗಳಲ್ಲೂ ಒಂದೇ ರೀತಿಯ ದರ ಇರಬೇಕು ಎಂಬ ಉದ್ದೇಶವನ್ನು ಮಾರ್ಸ್ ಹೊಂದಿದೆ. ಈ ಕಾರಣಕ್ಕೆ ಆರ್ಟಿಒ ದರವನ್ನು ಅಳವಡಿಸಿಕೊಳ್ಳಲಾಗಿದ್ದು, ಇದರ ಜತೆಗೆ ಸೇವಾ ಶುಲ್ಕವಾಗಿ ಅಲ್ಪ ಮೊತ್ತವನ್ನು ಗ್ರಾಹಕರಿಂದ ಪಡೆಯಲು ಉದ್ದೇಶಿ ಸಲಾಗಿದೆ. ‘ಮಾರ್ಸ್’ ಆಟೋ ಚಾಲಕರಿಂದ ಯಾವುದೇ ರೀತಿಯ ಶುಲ್ಕ ವಸೂಲಾತಿ ಮಾಡುವುದಿಲ್ಲ. ಗ್ರಾಹಕರಿಂದ ದೊರೆಯುವ ಸೇವಾ ಶುಲ್ಕದ ಹಣದಲ್ಲಿಯೇ ‘ಮಾರ್ಸ್’ ಆ್ಯಪ್ನ ನಿರ್ವಹಣೆ ಮಾಡಲಾಗುವುದು. ಹಣ ಉಳಿದರೆ ಚಾಲಕರಿಗೆ ಹಂತ ಹಂತವಾಗಿ ವಿವಿಧ ಸೇವೆಗಳನ್ನು ಒದಗಿಸಲು ಮಾರ್ಸ್ ಉದ್ದೇಶಿಸಿದೆ. ಪ್ರಸ್ತುತ ನಗರದಲ್ಲಿ ಆಟೋಗಳ ಮಿನಿಮಮ್ ದರ 30 ರೂ. ಇದ್ದು, ಇದರ ಮೇಲೆ ಪ್ರತಿ ಕಿ.ಮೀ.ಗೆ 15 ರೂ. ದರ ನಿಗದಿಯಾಗಿದೆ. ಪ್ರಸ್ತುತ ಖಾಸಗಿ ಕಂಪನಿಗಳು ನೀಡುವ ಆಟೋ ಸೇವೆಯಿಂದ ಸಾಕಷ್ಟು ಬಾರಿ ಆಟೋ ಚಾಲಕರು ಹಾಗೂ ಪ್ರಯಾಣಿಕರ ನಡುವೆ ಗಲಾಟೆ ಆಗುತ್ತಿರುತ್ತದೆ. ಖಾಸಗಿ ಕಂಪನಿಗಳು ಆಫರ್ ಹೆಸರಿನಲ್ಲಿ ಕಡಿಮೆ ದರದಲ್ಲಿ ಪ್ರಯಾಣಿಕರಿಗೆ ಆಟೋ ಸೇವೆ ನೀಡುತ್ತದೆ. ಆದರೆ, ಈ ಆಫರ್ಗಳಿಂದ ನಮಗೆ ನಷ್ಟವಾಗುತ್ತಿದ್ದು, ಹೆಚ್ಚುವರಿ ಹಣ ನೀಡುವಂತೆ ಕೆಲವು ಚಾಲಕರು ಪ್ರಯಾಣಿಕರ ಬಳಿ ಒತ್ತಾಯಿಸುವಾಗ ಚಾಲಕರು ಹಾಗೂ ಪ್ರಯಾಣಿಕರ ನಡುವೆ ಗಲಾಟೆಗಳು ನಡೆಯುವುದು ಸಹಜವಾ ಗಿದೆ. ‘ಮಾರ್ಸ್’ ಇಂತಹ ಒಂದು ಜಗಳಕ್ಕೆ ತೆರೆ ಎಳೆಯುವ ನಿರೀಕ್ಷೆ ಹೊಂದಲಾಗಿದ್ದು, ಇಲ್ಲಿ ಆ ರೀತಿಯ ಯಾವುದೇ ಆಫರ್ಗಳನ್ನು ಕಾಣಲು ಸಾಧ್ಯವಿಲ್ಲ.
