ಕನಕಗಿರಿ: ಕೊಪ್ಪಳ ಗವಿಸಿದ್ಧೇಶ್ವರ ಜಾತ್ರೆ ನಿಮಿತ್ತ ಹಮ್ಮಿಕೊಳ್ಳಲಾಗಿದ್ದ ಗವಿಶ್ರೀ ಕ್ರೀಡಾ ಉತ್ಸವದ ಮ್ಯಾರಥಾನ್ನಲ್ಲಿ ತಾಲೂಕಿನ ನಾಗಲಾಪುರ ಗ್ರಾಮದ ವಿದ್ಯಾರ್ಥಿನಿ ಬಸವಲಿಂಗಮ್ಮ ಪ್ರಥಮ ಬಹುಮಾನ ಪಡೆದುಕೊಂಡಿದ್ದಾಳೆ. ಹೊಸಪೇಟೆಯ ಬೈಪಾಸ್ ರಸ್ತೆಯಿಂದ ಆರಂಭವಾದ 12 ಕಿ.ಮೀ ಮ್ಯಾರಾಥಾನ್ ಆರ್ಟಿಒ ಆಫೀಸ್ ಮೂಲಕ ಸಾಗಿ ಗವಿಮಠದವರೆಗೂ ನಡೆಯಿತು. ಮಹಿಳೆಯರ ವಿಭಾಗದಲ್ಲಿ ಬಸವಲಿಂಗಮ್ಮ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಬಸವಲಿಂಗಮ್ಮ ಬೆಂಗಳೂರು ಸೌಂದರ್ಯ ಇನ್ಸಿಟ್ಯೂಟ್ನಲ್ಲಿ ಪತ್ರಿಕೋದ್ಯಮ ಪದವಿ ಅಧ್ಯಯನ ಮಾಡುತ್ತಿದ್ದು, ಅಲ್ಲಿಯೇ ದಿನನಿತ್ಯ ತರಬೇತಿ ಪಡೆದುಕೊಳ್ಳುತ್ತಿದ್ದಾಳೆ. ಬಸವಲಿಂಗಮ್ಮಗೆ 20 ಸಾವಿರ ರೂ. ಪುರಸ್ಕಾರ ಹಾಗೂ ಪಾರಿತೋಷಕವನ್ನು ಸಂಸದ ರಾಜಶೇಖರ ಹಿಟ್ನಾಳ್ ಹಾಗೂ ಶಾಸಕ ರಾಘವೇಂದ್ರ ಹಿಟ್ನಾಳ ವಿತರಿಸಿದರು.
