ಮಾನ್ವಿಯ ತಹಸಿಲ್ ಕಚೇರಿಯ ಗ್ರೇಡ್-2 ತಹಸೀಲ್ದಾರ್ ಅಬ್ದುಲ್ ವಾಹೀದ್ಗೆ ಜೀವವುಳ್ಳ ಕ್ರಿಸ್ತನ ಸಂಘ ಮನವಿ ಸಲ್ಲಿಸಿತು. ಸಂಘ ಪೋತ್ನಾಳ ಘಟಕದ ಪದಾಧಿಕಾರಿಗಳಾದ ವೆಂಕಣ್ಣ ಫಾಸ್ಟರ್, ಇಮಾನವೆಲ್ ಫಾಸ್ಟರ್, ಅಂಜಪ್ಪ ಮೇಸ್ತ್ರಿ, ಮಾಡಭಾವಿ ರಾಮಣ್ಣ,ಪ್ರಮುಖರಾದ ಹನುಮಂತ, ರಮೇಶ, ಮುತ್ತಮ್ಮ, ಲಾಲಮ್ಮ ಇದ್ದರು.
ಮಾನ್ವಿ: ಮಣಿಪುರದಲ್ಲಿ ಮಹಿಳೆರಿಬ್ಬರ ಮೇಲೆ ಹಲ್ಲೆ ಮಾಡಿ ಅತ್ಯಾಚಾರ ಮಾಡಿರುವುದನ್ನು ಖಂಡಿಸಿ ಜೀವವುಳ್ಳ ಕ್ರಿಸ್ತನ ಸಂಘ ಪಟ್ಟಣದಲ್ಲಿ ಬುಧವಾರ ಪ್ರತಿಭಟನೆ ನಡೆಸಿತು.
ಅತ್ಯಾಚಾರ, ದೌರ್ಜನ್ಯ ಪ್ರಕರಣಗಳು ಹೆಚ್ಚಳ
ದೇಶದಲ್ಲಿ ಮಹಿಳೆಯರ ಮೇಲಿನ ಅತ್ಯಾಚಾರ, ದೌರ್ಜನ್ಯ ಪ್ರಕರಣಗಳು ಹೆಚ್ಚಳವಾಗುತ್ತಿವೆ. ಸ್ತ್ರೀಯರಿಗೆ ರಕ್ಷಣೆ ಇಲ್ಲದಂತಾಗಿದೆ. ಮಣಿಪುರದ ಘಟನೆಯಲ್ಲಿ ಭಾಗಿಯಾದ ಅಪರಾಧಿಗಳಿಗೆ ಕಠಿಣ ಶಿಕ್ಷೆಗೆ ಒಳಪಡಿಸಬೇಕು ಎಂದು ಒತ್ತಾಯಿಸಿದರು.
ಮಣಿಪುರ ಘಟನೆ ಕುರಿತು ರಾಷ್ಟ್ರಪತಿ ಮತ್ತು ಪ್ರಧಾನಿ ಮೌನವಹಿಸಿರುವುದು ಸರಿಯಲ್ಲ.ಬೇಟಿ ಬಚಾವೋ ಬೇಟಿ ಪಡಾವೋ ಎನ್ನುವ ಪ್ರಧಾನಿಗಳು ಮಹಿಳೆ ಮೇಲೆನ ಘಟನೆ ಬಗ್ಗೆ ಸುಮನ್ನಿರುವುದು ಕಳವಳಕಾರಿ ಸಂಗತಿಯಾಗಿದೆ. ಅಲ್ಲದೆ ಚರ್ಚ್ಗಳ ಮೇಲೆ ದಾಳಿ ಮಾಡುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ. ತಹಸಿಲ್ ಕಚೇರಿಯ ಗ್ರೇಡ್-2 ತಹಸೀಲ್ದಾರ್ ಅಬ್ದುಲ್ ವಾಹೀದ್ಗೆ ಮನವಿ ಸಲ್ಲಿಸಿದರು.
