ಶ್ರೀನಿವಾಸಪುರಕ್ಕೆ ಆಂಧ್ರಪ್ರದೇಶದ ಮಾವು

ಶ್ರೀನಿವಾಸಪುರ ಎಪಿಎಂಸಿ ಮಾರುಕಟ್ಟೆಯಲ್ಲಿ ತೋತಾಪುರಿ ತರಬೇಡಿ ಎಂದು ನಾಮಫಲಕ ಹಾಕಿದ್ದು, ಕೆಜಿ 3 ರೂ.ಗೆ ಮಾರಿದರೂ ಕೇಳುವವರಿಲ್ಲದಂತಾಗಿದೆ. ಇಲ್ಲಿನ ಪಲ್ಪ್​ಫ್ಯಾಕ್ಟರಿಗಳವರು ಆಂಧ್ರದ ಮಾವನ್ನು ಖರೀದಿಸುತ್ತಾರೆ ಎಂದರೆ ಯಾವ ನ್ಯಾಯ?. ಜಿಲ್ಲಾಡಳಿತ ಕೂಡಲೆ ಪಲ್ಪ್​ಫ್ಯಾಕ್ಟರಿಗೆ ಸೂಚನೆ ನೀಡಿ ಸ್ಥಳಿಯ ಮಾವು ಖರೀದಿಸುವಂತೆ ಮಾಡಬೇಕು. > ಚಿನ್ನಪ್ಪರೆಡ್ಡಿ ಜಿಲ್ಲಾ ಮಾವು ಬೆಳೆಗಾರರ ಅಧ್ಯಕ್ಷ ಕೊಯ್ಲು ಮಾಡುವ ಪದ್ಧತಿ ನಮ್ಮಲ್ಲಿ ಸರಿ ಇಲ್ಲ. ಕಳಪೆ ಕಾಯಿ ಹಾಗೂ ಋತುವಿಗೆ ಬರದಿದ್ದರೂ ಕಟಾವು ಮಾಡಿ ತರುತ್ತಿದ್ದಾರೆ. ಇದರಿಂದ ತೆಗೆದ ಪಲ್ಪ್​ ಕೊಳೆಯುವಂತಾಗುತ್ತದೆ. ನಮಗೆ ನಷ್ಟ ಆದರೆ ಯಾರು ಕಟ್ಟಿಕೊಡುತ್ತಾರೆ? ಸರ್ಕಾರದಿಂದ ಯಾವುದೇ ಸೌಲಭ್ಯ ನೀಡುತ್ತಿಲ್ಲ. ಪಲ್ಪ್​ ಶೇಖರಣೆ ಮಾಡುವ ಡ್ರಮ್​ಗಳು ಮತ್ತು ಬ್ಯಾಗ್​ಗಳ ಬೆಲೆ ಹೆಚ್ಚಾಗಿದೆ. ಪಲ್ಪ್​ ಮಾರಾಟ ಮಾಡಲು ಜಿಎಸ್​ಟಿ ಹೆಚ್ಚಾಗಿದೆ. ಎಲ್ಲ ಉತ್ಪನ್ನಗಳನ್ನು ಖರೀದಿದಾರರೆ ನೀಡುತ್ತಿರುವುದರಿಂದ ಅವರು ಸೂಚಿಸಿದ ಗುಣಮಟ್ಟವನ್ನೆ ನಾವು ಅವರಿಗೆ ನೀಡಬೇಕಾಗಿದೆ. ಆಂಧ್ರಪ್ರದೇಶದ ಮಾವು ಗುಣಮಟ್ಟದಿಂದ ಕೂಡಿರುತ್ತದೆ. ಆದ್ದರಿಂದ ಅಲ್ಲಿಂದ ಖರೀದಿಸುತ್ತಿದ್ದೇವೆ. > ಮಂಜುನಾಥ್​ ಆಸ್ಪೆಟಿಕ್​ ಕ್ವಾಲಿಟಿ ಪುಡ್ಸ್​ ಲಿಮಿಟೆಡ್​ ಮಾಲೀಕ ಸ್ಥಳಿಯ ಮಾವನ್ನು ಜೂ.23 ರಿಂದ ಖರೀದಿ ಮಾಡಲು ಒಪ್ಪಿಗೆ ನೀಡಿದ್ದಾರೆ. ಈಗ ಬಂದಿರುವ 400 ಟನ್​ ಮಾವು ಮುಗಿದ ನಂತರ ಆಂಧ್ರ ಪ್ರದೇಶದ ಮಾವು ತರಿಸುವುದಿಲ್ಲ ಎಂಬ ಭರವಸೆಯನ್ನು ಫ್ಯಾಕ್ಟರಿ ಮಾಲೀಕ ಮಂಜುನಾಥ್​ ನೀಡಿದ್ದಾರೆ. ನಾವೂ ಎಚ್ಚರಿಕೆ ನೀಡಿದ್ದೇವೆ. > ಸುಧೀಂದ್ರ ತಹಸೀಲ್ದಾರ್​, ಶ್ರೀನಿವಾಸಪುರ.