ಮಣಿಪಾಲ-ಮಂಗಳೂರು ಮಧ್ಯೆ ಓಡಲಿದೆ ಕೆಎಸ್​ಆರ್​ಟಿಸಿ ಇ-ಬಸ್​

ಗೋಪಾಲಕೃಷ್ಣ ಪಾದೂರು, ಉಡುಪಿ

ಹೊಸ ಸಾರಿಗೆ ನೀತಿ ಪ್ರಕಾರ 15 ವರ್ಷ ಹಳೆ ಡಿಸೇಲ್​ ವಾಹನಗಳ ಪರವಾನಿಗೆ ಹಿಂಪಡೆಯುವುದು ಕಡ್ಡಾಯವಾಗಿದ್ದು, ಈ ಹಿನ್ನೆಲೆಯಲ್ಲಿ ಮಂಗಳೂರು&ಮಣಿಪಾಲ ವೋಲ್ವೋ ಬಸ್​ ಸಂಚಾರ ಸ್ಥಗಿತಗೊಳಿಸಲಾಗಿದೆ. ಎಪ್ರಿಲ್​ ತಿಂಗಳಿನಿಂದ ಹೊಸ ಎಲೆಕ್ಟ್ರಿಕ್​ ಬಸ್​ಗಳು ಓಡಾಡಲಿವೆ.

2010ರಲ್ಲಿ ಮೊದಲ ಬಾರಿಗೆ ಮಂಗಳೂರು&ಮಣಿಪಾಲ ಮಧ್ಯೆ 2 ವೋಲ್ವೋ ಬಸ್​ ಸಂಚಾರ ಪ್ರಾರಂಭಿಸಲಾಗಿದ್ದು, ಪ್ರಯಾಣಿಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಕೋವಿಡ್​ ಲಾಕ್ಡೌನ್​ ಮುಂಚೆ ಸ್ಟೇಟ್​ ಬ್ಯಾಂಕ್​ &ಮಣಿಪಾಲ ನಡುವಣ 10 ಹವಾನಿಯಂತ್ರಿತ ಬಸ್​ಗಳು 25 ಶೆಡ್ಯೂಲ್​ಗಳಲ್ಲಿ ಕಾರ್ಯಾಚರಿಸುತ್ತಿದ್ದವು. ಉಡುಪಿ, ಮಣಿಪಾಲದಿಂದ ಮಂಗಳೂರಿಗೆ ಪ್ರಯಾಣಿಸುವ ನಿತ್ಯ ಪ್ರಯಾಣಿಕರಿಗೆ ಇದರಿಂದ ಅನುಕೂಲವಾಗಿತ್ತು. ಬೆಳಗ್ಗೆ ಮತ್ತು ಸಾಯಂಕಾಲ ಸೀಟುಗಳು ಕೂಡ ಭರ್ತಿಯಾಗುತ್ತಿತ್ತು. ಆದರೆ ಬಸ್​ಗಳ ನಿರ್ವಹಣೆಗೆ ಸರಿಯಾಗಿ ಆದಾಯ ಬರುತ್ತಿಲ್ಲ ಎಂಬ ಕಾರಣಕ್ಕೆ ಬಸ್​ ಸಂಚಾರವನ್ನು ಏಕಾಏಕಿ ಸ್ಥಗಿತಗೊಳಿಸಲಾಗಿತ್ತು. ಬಳಿಕ 2023, ೆಬ್ರವರಿ ತಿಂಗಳಲ್ಲಿ ಮತ್ತೆ 4 ವೋಲ್ವೋ ಬಸ್​ ಸೇವೆ ಆರಂಭಿಸಲಾಗಿತ್ತು. ಆದರೆ ೆಟ್ನೆಸ್​ ಪ್ರಮಾಣಪತ್ರ ಅವಧಿ ಮುಗಿಯುತ್ತಿರುವ ಹಿನ್ನೆಲೆಯಲ್ಲಿ 10 ತಿಂಗಳ ಬಳಿಕ ಮತ್ತೆ ಬಸ್​ ಸಂಚಾರ ನಿಲುಗಡೆಗೊಂಡಿದೆ.

ಎಕ್ಸ್​ಪ್ರೆಸ್​ ಬಸ್​ ಶುರು
ವೋಲ್ವೋ ಬಸ್​ ಸಂಚಾರ ಸ್ಥಗಿತಗೊಳಿಸಿದ್ದರೂ ಕೆಎಸ್​ಆರ್​ಡಿಸಿ ಮಂಗಳೂರು&ಮಣಿಪಾಲ ಮಧ್ಯೆ ಎಕ್ಸ್​ಪ್ರೆಸ್​ ಬಸ್​ ಸೇವೆ ಪ್ರಾರಂಭಿಸಿವೆ. ವೋಲ್ವೋ ಬಸ್​ಗೆ ನಿಗದಿಪಡಿಸಿದ್ದ ಸಮಯದಲ್ಲೇ 5 ಬಸ್​ಗಳು ಸಂಚರಿಸುತ್ತಿದ್ದು, ಇದರಲ್ಲಿ ಮಹಿಳೆಯರು ಶಕ್ತಿ ಯೋಜನೆ ಪ್ರಯೋಜನವನ್ನು ಪಡೆಯಬಹುದಾಗಿದೆ.

ಮಂಗಳೂರು ವಿಭಾಗಕ್ಕೆ 45 ಇವಿ ಬಸ್​
ಹಳೆ ಬಸ್​ಗಳನ್ನು ಬದಲಿಸಿ ಇವಿ (ಇಲೆಕ್ಟ್ರಿಕಲ್​ ವಹಿಕಲ್​) ಬಸ್​ಗಳನ್ನು ಸೇರ್ಪಡೆಗೊಳಿಸಲು ಸಾರಿಗೆ ಇಲಾಖೆ ನಿರ್ಧರಿಸಿದ್ದು, ಮಂಗಳೂರು ವಿಭಾಗಕ್ಕೆ 45 ಇವಿ ಬಸ್​ ಗಳು ಬರಲಿವೆ. ಈಗಾಗಲೇ ಖರೀದಿ ಪ್ರಕ್ರಿಯೆ ಟೆಂಡರ್​ ಹಂತದಲ್ಲಿದ್ದು, 3 ತಿಂಗಳೊಳಗೆ 20 ಎಸಿ ಬಸ್​ ಹಾಗೂ 25 ನಾನ್​ ಎಸಿ ಬಸ್​ಗಳು ಸೇವೆಗೆ ಲಭ್ಯವಾಗಲಿವೆ. ಮಂಗಳೂರು&ಮಣಿಪಾಲ ಮಧ್ಯೆ 10 ಬಸ್​, ಮಂಗಳೂರು&ಧರ್ಮಸ್ಥಳ ಮಧ್ಯೆ 20 ಬಸ್​, ಮಂಗಳೂರು&ಕಾಸರಗೋಡು ಮಧ್ಯೆ 15 ಬಸ್​ ಗಳನ್ನು ರಸ್ತೆಗಿಳಿಸಲು ಕೆಎಸ್​ಆರ್​ಟಿಸಿ ಚಿಂತನೆ ನಡೆಸಿದೆ. ನಾನ್​ ಎಸಿ ಬಸ್​ಗಳಲ್ಲಿ ಮಹಿಳೆಯರಿಗೆ ಶಕ್ತಿ ಯೋಜನೆ ಪ್ರಯೋಜನ ಸಿಗಲಿದೆ.

3 ಕಡೆಗಳಲ್ಲಿ ಚಾರ್ಜಿಂಗ್​ ಸ್ಟೇಷನ್​
ಇವಿ ಬಸ್​ಗಳನ್ನು ಚಾರ್ಜಿಂಗ್​ ಮಾಡಲು ಅನುಕೂಲವಾಗುವಂತೆ 3 ಕಡೆಗಳಲ್ಲಿ ಚಾರ್ಜಿಂಗ್​ ಸ್ಟೇಷನ್​ ನಿರ್ಮಿಸಲು ಸ್ಥಳಗುರುತಿಸಲಾಗಿದೆ. ಮಂಗಳೂರು 3ನೇ ಟಕ, ಲಾಲ್​ ಭಾಗ್​ ಕೆಎಸ್​ಆರ್​ಟಿಸಿ ನಿಲ್ದಾಣ, ಧರ್ಮಸ್ಥಳ ನಿಲ್ದಾಣದಲ್ಲಿ ಾಸ್ಟ್​ ಚಾರ್ಜಿಂಗ್​ ಪಾಯಿಂಟ್​ ಅಳವಡಿಸಲಾಗುತ್ತದೆ. ಸ್ಟೇಶನ್​ ಕಾಮಗಾರಿ ಮುಗಿಯಲು ಕನಿಷ್ಠ 3 ತಿಂಗಳು ಬೇಕಾಗಿದೆ.