ಅ.18ರಂದು ಬೆಳಗ್ಗೆ 10ಕ್ಕೆ ಕಾರ್ಯಕ್ರಮದ ಉದ್ಘಾಟನೆ ನಡೆಯಲಿದೆ. ಟೆಕ್ಸಾಸ್ ಇನ್ಸ್ಟ್ರುಮೆಂಟ್ಸ್ನ ತಾಂತ್ರಿಕ ಪ್ರತಿಭೆ ಅಭಿವೃದ್ಧಿ ನಿರ್ದೇಶಕ ಡಾ.ಸಿ.ಪಿ. ರವಿ ಕುಮಾರ್ ಅವರು ತಂತ್ರಜ್ಞಾನದ ಅನ್ವೇಷಣೆ - ಹಿಂದಿನ, ಪ್ರಸ್ತುತ ಮತ್ತು ಭವಿಷ್ಯದ ವಿಷಯದ ಕುರಿತು ಮುಖ್ಯ ಭಾಷಣ ಮಾಡಲಿದ್ದಾರೆ. ಅ.19ರಂದು ಸಮಾರೋಪ ನಡೆಯಲಿದ್ದು, ಸಮ್ಮೇಳನದಲ್ಲಿ ಒಟ್ಟು 6 ವಿಷಯಗಳ ಅಡಿಯಲ್ಲಿ 79 ಸಂಶೋಧನಾ ಪ್ರಬಂಧಗಳನ್ನು ಲೇಖಕರು ಪ್ರಸ್ತುತಪಡಿಸಲಿದ್ದಾರೆ. ಇದರ ಜತೆಯಲ್ಲಿ ವಿವಿಧ ವಿಚಾರಗಳ ಮೇಲೆ ಸಂವಾದಗಳು, ತಾಂತ್ರಿಕ ಚರ್ಚೆಗಳು ಸಾಗಲಿದೆ. ಇದರ ಜತೆಗೆ ಕ್ಯಾಲಿೆರ್ನಿಯಾ ಸ್ಟೇಟ್ ಯೂನಿವರ್ಸಿಟಿಯ ಡಾ.ಎಸ್. ಕೆ.ರಮೇಶ್, ತೇಜಸ್ ನೆಟ್ವರ್ಕ್ಸ್ನ ಅನಿಂದ್ಯಾ ಸಹಾ, ಎನ್ಐಟಿಕೆ ಕ್ಯಾಲಿಕೆಟ್ನ ಡಾ.ಎಸ್.ಡಿ. ಮಧು ಕುಮಾರ್ ತಮ್ಮ ವಿಚಾರಗಳನ್ನು ಮಂಡನೆ ಮಾಡಲಿದ್ದಾರೆ. ಈ ಸಂದರ್ಭ ಎಸ್.ಜಿ.ಇ.ಸಿಯ ಡಾ.ಶ್ರೀದೇವಿ ಸರಳಾಯ ಮತ್ತು ಸಮ್ಮೇಳನದ ಸಂಘಟನಾ ಅಧ್ಯಕ್ಷ ಡಾ.ಹರಿವಿನೋದ್ ಎನ್, ಪಿಆರ್ಒ ರಾಜೇಶ್ ಬೆಳ್ಚಡ ಉಪಸ್ಥಿತರಿದ್ದರು.
