ಇಲ್ಲಿರುವ ಕಟ್ಟಡವನ್ನು ಪುರಾತತ್ವ ಇಲಾಖೆ ಪಾರಂಪರಿಕ ಕಟ್ಟಡ ಎಂದು ಗುರುತಿಸಿದೆ. ಈ ಕಟ್ಟಡದಲ್ಲಿ ಕೆಲವು ಸರ್ಕಾರಿ ಕಚೇರಿಗಳು ಕಾರ್ಯಾಚರಿಸುತ್ತಿವೆ. ಪ್ರತಿದಿನ ನೂರಾರು ಮಂದಿ ಸಾರ್ವಜನಿಕರು ಇಲ್ಲಿ ಬರುತ್ತಾರೆ. ಅವರು ಇದೇ ಶೌಚಗೃಹವನ್ನು ಅವಲಂಬಿಸಿದ್ದಾರೆ. ಕ್ಯಾಂಟೀನ್ ಕೂಡಾ ಕಾರ್ಯಾಚರಿಸುತ್ತಿದ್ದು, ಅಲ್ಲಿನ ಸಿಬ್ಬಂದಿ ಈ ಶೌಚಗೃಹ ಬಳಸುತ್ತಿದ್ದಾರೆ. ನಿರ್ವಹಣೆ ಇಲ್ಲದೆ ಸದ್ಯ ಯಾರು ಕೂಡಾ ಬಳಸುವ ಹಾಗಿಲ್ಲ.
ಕಳೆಗುಂದಿದ ಪಾರ್ಕ್: ಇಲ್ಲಿ ಹೂ ತೋಟವಿರುವ ಎರಡು ಪಾರ್ಕ್ಗಳಿದ್ದು, ನಿರ್ವಹಣೆ ಇಲ್ಲದೆ ಕಾಡು ಬೆಳೆದಿದೆ. ನೀರು ಹಾಕದೆ ಹೂವಿನ ಗಿಡಗಳು ಒಣಗಿ ಹೋಗಿವೆ. ಆವರಣ ಕೂಡಾ ಕಸ, ಕಡ್ಡಿಗಳಿಂದ ತುಂಬಿಕೊಂಡಿದೆ. ಬೀದಿ ನಾಯಿಗಳ ಆವಾಸ ಸ್ಥಾನವಾಗಿದೆ. ಇಲ್ಲಿ ಬರುವ ಸಾರ್ವಜನಿಕರು ಈ ಕಳೆಗುಂದಿದ ತಾಣವನ್ನು ನೋಡಿ ಮರುಕ ಪಡುವಂತಾಗಿದೆ.
