ಪ್ರಕರಣದ ಹಿನ್ನೆಲೆ: 2016ರ ಡಿಸೆಂಬರ್ ತಿಂಗಳಲ್ಲಿ ಆರೋಪಿ ರುಬಿಯಾ ಮಂಗಳೂರಿಗೆ ಭಿಕ್ಷಾಟನೆಗೆಂದು ಬಂದು ಕಂಕನಾಡಿ ಜಂಕ್ಷನ್ ರೈಲ್ವೇ ನಿಲ್ದಾಣದಲ್ಲಿ ಾತಿಮಾ ಎಂಬ ಹೆಸರಿನಲ್ಲಿ ಪರಿಚಯಿಸಿಕೊಂಡಿದ್ದಳು. ಈ ಸಂದರ್ಭ ದೂರುದಾರರ ಜತೆಗೂ ಾತಿಮಾ ಅನ್ಯೋನ್ಯವಾಗಿದ್ದಳು. 2017ರ ಜ.12ರಂದು ರೈಲ್ವೆ ಜಂಕ್ಷನ್ ಪಾರ್ಕಿಂಗ್ ಸ್ಥಳದ ಬಳಿ ದೂರುದಾರ ಮಹಿಳೆಯು ತನ್ನ 7 ತಿಂಗಳ ಹಸುಗೂಸು ಮುಬಾರಕನನ್ನು ಮಲಗಿಸಿ ಭಿಕ್ಷಾಟನೆಗೆ ಹೋಗಿದ್ದರು. ಈ ಸಂದರ್ಭ ಆರೋಪಿತೆ ಾತಿಮಾ ಮಗುವನ್ನು ಅಪಹರಿಸಿ ಬಿಕ್ಷಾಟನೆಗಾಗಿ ಕಳ್ಳಸಾಗಾಟ ಮಾಡಿ, ನಂತರ ಮಗುವಿನ ತಾಯಿ ಜತೆ ಹುಡುಕುವ ನಾಟಕವಾಡಿದ್ದಳು. ಬಳಿಕ ಆರೋಪಿ ಮಹಿಳೆ ಮಗುವನ್ನು ಊರೂರು ತಿರುಗಾಡಿಸಿ ಭಿಕ್ಷಾಟನೆ ಮಾಡುತ್ತಿದ್ದಳು. 2020 ಜ.22ರಂದು ಮೈಸೂರು ನಗರದ ಮಂಡಿ ಪೊಲೀಸ್ ಠಾಣಾ ಸರಹದ್ದಿನ ಮಂಡಿ ಮೊಹಲ್ಲಾ ಗ್ರಾಮದ ಅಶೋಕ ರಸ್ತೆಯಲ್ಲಿರುವ ಮಸ್ಜೀದ್ ಇ ಅಜಮ್ ಮಸೀದಿ ಎದುರಿನಲ್ಲಿ ಮಗುವಿನ ಜತೆ ಭಿಕ್ಷಾಟನೆ ಮಾಡುತ್ತಿದ್ದಳು. ಇದನ್ನು ದೂರುದಾರ ಮಹಿಳೆ ಗುರುತಿಸಿ ಪೊಲೀಸರಿಗೆ ತಿಳಿಸಿದ್ದರು. ಕಂಕನಾಡಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.
