ನಾಡಿನ ಅಭಿವೃದ್ಧಿ ಯುವಚೈತನದಲ್ಲಿ ಕಂಡವರು ವಿವೇಕರು

ಇಲ್ಲಿನ ಕೆಪಿಎಸ್ ಪಿಯು ಕಾಲೇಜಿನಲ್ಲಿ ಸೋಮವಾರ ಎನ್‌ಎಸ್‌ಎಸ್ ಘಟಕದ ಸಹಯೋಗದಲ್ಲಿ ಜರುಗಿದ ಸ್ವಾಮಿ ವಿವೇಕಾನಂದರ ಜಯಂತಿ ಕಾರ್ಯಕ್ರಮದಲ್ಲಿ ಮಾತನಾಡಿ, 1893ರಲ್ಲಿ ಚಿಕಾಗೋದಲ್ಲಿನ ವಿಶ್ವಧರ್ಮ ಸಮ್ಮೇಳನದಲ್ಲಿ ನುಡಿದ ಅಮೃತವಾಣಿಯಾದ ಸಿಸ್ಟರ್ ಅಂಡ್ ಬ್ರದರ್ಸ್‌ ಆಫ್ ಅಮೆರಿಕ ಸಂಬೋಧನೆ ಎಲ್ಲ ಹಿಂದೂರಾಷ್ಟ್ರ ಭಾರತಕ್ಕೆ ಮುಖ ಮಾಡುವಂತೆ ಮಾಡಿತು. ದೇಶದ ಧಾರ್ಮಿಕ, ಯೋಗ, ವೇದಾಂತ, ಸಂಸ್ಕೃತಿಯ ಪರಿಚಯಿಸಿದ ಭಾರತದ ಮುಕುಟ ವಿವೇಕರು ಎಂದರು.

ಇಂದಿನ ಮೊಬೈಲ್‌ಯುಗದಲ್ಲಿ ದಾರ್ಶನಿಕತೆ, ಪುಸ್ತಕ ಜ್ಞಾನ ಮರೆತಂತಾಗಿದೆ. ಪುಸ್ತಕ ಜ್ಞಾನದ ಭಂಡಾರ ಎಂದು ತೋರಿಸಿದ ಸಂತ ವಿವೇಕರ ಅದ್ಭುತ ಜ್ಞಾಪಕಶಕ್ತಿಗೆ ಇವರ ಪುಸ್ತಕದ ನಂಟು ಕಾರಣ. ಪುಸ್ತಕ ಜ್ಞಾನದ ಅಕ್ಷಯ ಪಾತ್ರೆಯಾಗಿದ್ದು ವಿದ್ಯಾರ್ಥಿ ದಿಸೆಯಲ್ಲಿ ಹೆಚ್ಚು ಪುಸ್ತಕ ಓದಿ ಜ್ಞಾನವಂತರಾಗಿ ವಿವೇಕರು ಆದರ್ಶ ಪಾಲಿಸಿಕೊಳ್ಳಿ ಎಂದು ನುಡಿದರು.

ಉಪನ್ಯಾಸಕ ಎ.ಎಂ.ಮಂಜುನಾಥ್ ಮಾತನಾಡಿ, ಭಾರತ ವಿಶ್ವಗುರುವಾಗಲು ವಿವೇಕರ ಸಿಂಹವಾಣಿ ಕಾರಣ. ಎಲ್ಲರಲ್ಲೂ ದಿವ್ಯಶಕ್ತಿ ಸೂಪ್ತವಾಗಿದ್ದು ಇದನ್ನು ಎಕ್ಕಿ ತೆಗೆಯಲು ಆತ್ಮವಿಶ್ವಾಸ ಬೇಕಿದೆ. ಸೋಲು ಗೆಲವಿನ ಮೆಟ್ಟಿಲು. ಗುರಿ ಮುಟ್ಟುವವರಿಗೆ ವಿರಮಿಸದೆ ಆತ್ಮಾಕಾಂಕ್ಷಿಯಾಗಿರಬೇಕು. ಗ್ರಾಮೀಣ ಮಕ್ಕಳಲ್ಲಿ ಓದುವ ಕಸುವಿದೆ. ಎಕ್ಕಿ ತೆಗೆಯುವ ಕೆಲಸಕ್ಕೆ ವಿವೇಕರನ್ನು ಆದರ್ಶವಾಗಿ ಸ್ವೀಕರಿಸಿ ಎಂದು ನುಡಿದರು.

ಎನ್‌ಎಸ್‌ಎಸ್ ಘಟಕಾಧಿಕಾರಿ ಜಿ.ಎಸ್.ಕುಮಾರಸ್ವಾಮಿ ಮಾತನಾಡಿ, ಭವಿಷ್ಯದ ವಿದ್ಯಾರ್ಥಿಗಳಿಗೆ ಮೊಬೈಲ್ ಹಿಡಿದರೆ ಬದುಕು ನಾಶ, ಪುಸ್ತಕ ಹಿಡಿದರೆ ಬದುಕು ಬಂಗಾರ ಎನ್ನುವುದಕ್ಕೆ ವಿವೇಕಾನಂದರಲ್ಲಿನ ಯೋಗ, ಆಧ್ಯಾತ್ಮ, ತಾರ್ಕಿಕ ಜಾಗೃತಿ ಸಂದೇಶದ ಚಿಂತನೆ ಅಳವಡಿಸಿಕೊಳ್ಳಿ ಎಂದು ಸಲಹೆ ನೀಡಿದರು. ವಿವೇಕರ ಭಾವಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸಿ ಸ್ಮರಿಸಲಾಯಿತು. ಎನ್. ರವೀಂದ್ರ, ಎಸ್.ಡಿ. ಹರೀಶ್, ಎನ್.ಎ. ನಾಗೇಶ್, ಅರ್ಪಿತಾ, ಚಂದ್ರಿಕಾ, ಫಾಜಿಲಾ ಖಾನಂ ಉಪಸ್ಥಿತರಿದ್ದರು.